Ponnam Prabhakar: తెలంగాణ రాజకీయాల్లో మాటల యుద్ధం ముదిరి పాకాన పడింది. మాజీ ముఖ్యమంత్రి కేసీఆర్ చేసిన సంచలన వ్యాఖ్యలకు కాంగ్రెస్ ప్రభుత్వం అంతే దీటుగా బదులిస్తోంది. “రెండేళ్లు ఓపిక పట్టాం.. ఇకపై తోలు తీస్తాం” అంటూ కేసీఆర్ చేసిన వ్యాఖ్యలు రాజకీయ వర్గాల్లో పెను దుమారం రేపగా, మంత్రి పొన్నం ప్రభాకర్ అదే స్థాయిలో విరుచుకుపడ్డారు.
కేసీఆర్ ‘వార్నింగ్’.. ఇక అసలు కథ మొదలైంది!
పాలమూరు – రంగారెడ్డి ప్రాజెక్టు విషయంలో కాంగ్రెస్ ప్రభుత్వం తీవ్ర అన్యాయం చేస్తోందని కేసీఆర్ మండిపడ్డారు. గడిచిన రెండేళ్లలో ప్రాజెక్టులో తట్టెడు మట్టి కూడా తీయలేదని విమర్శించారు.
అడ్డగోలుగా మాట్లాడితే చూస్తూ ఊరుకోం. ఇప్పటిదాకా ఒక కథ.. ఇక నుంచి ఇంకో కథ ఉంటుంది. ఎక్కడికక్కడ తోలు తీస్తాం అంటూ కేసీఆర్ కార్యకర్తల్లో జోష్ నింపే ప్రయత్నం చేశారు.
45 టీఎంసీలు మాత్రమే కావాలని కేంద్రానికి లేఖ రాయడం ద్వారా తెలంగాణ ప్రయోజనాలను తాకట్టు పెట్టారని ఆయన ధ్వజమెత్తారు.
పొన్నం ప్రభాకర్ పదునైన కౌంటర్: “అసెంబ్లీకి రా.. తేల్చుకుందాం!”
కేసీఆర్ వ్యాఖ్యలపై మంత్రి పొన్నం ప్రభాకర్ తీవ్రంగా స్పందించారు. కేసీఆర్ భాషను తప్పుపడుతూనే, గత ప్రభుత్వ వైఫల్యాలను ఎండగట్టారు.
అసెంబ్లీకి రాకుండా బయట అడ్డగోలుగా మాట్లాడితే కుదరదు. తోలు తీస్తామంటే ఇక్కడ ఎవరూ చూస్తూ ఊరుకోరు. అసెంబ్లీకి వచ్చి చర్చించు.. అక్కడ తేల్చుకుందాం అని సవాల్ విసిరారు.
ఇది కూడా చదవండి: Fire Accident: చీరాలలో భారీ అగ్నిప్రమాదం.. జాతీయ రహదారి పనుల వద్ద క్రేన్ ఇంజన్ దగ్ధం!
అద్దె భవనాల్లో గురుకులాలు నడిపిన చరిత్ర మీది కాదా? మీరు కట్టిన కాళేశ్వరం ప్రాజెక్టు దుస్థితి ఏంటో ప్రజలంతా చూస్తున్నారు అని ఎద్దేవా చేశారు.
తెలంగాణ అభివృద్ధి కోసం తాము నిబద్ధతతో పనిచేస్తున్నామని, తమకు ఢిల్లీ నాయకులు కాదు.. తెలంగాణ ప్రజలే బాసులని పొన్నం స్పష్టం చేశారు.
బీజేపీపై కూడా బాణాలు..
కేవలం కేసీఆర్నే కాకుండా, కేంద్రమంత్రి కిషన్ రెడ్డిని కూడా పొన్నం వదిలిపెట్టలేదు. “కిషన్ రెడ్డి కేంద్రమంత్రిగా తెలంగాణకు తెచ్చిన నిధులు ఎన్నో చెప్పాలి. సర్పంచ్ ఎన్నికల్లోనే ప్రజలు బీజేపీని తిరస్కరించారు. గాంధీ పేరును రూపుమాపేందుకు కేంద్రం కుట్ర చేస్తోంది” అని ఆరోపించారు.
ముఖ్య అంశాల విశ్లేషణ:
| అంశం | కేసీఆర్ వాదన | పొన్నం ప్రభాకర్ కౌంటర్ |
| ప్రాజెక్టులు | పాలమూరులో తట్టెడు మట్టి తీయలేదు. | కాళేశ్వరం అవినీతి, విఫలం ప్రజలకు తెలుసు. |
| రాజకీయ భాష | “తోలు తీస్తాం”.. ఇక వేరే కథ ఉంటుంది. | అడ్డగోలు మాటలు పడము.. అసెంబ్లీకి రా. |
| నిర్వహణ | ప్రాజెక్టు డీపీఆర్ వెనక్కి పంపడం అన్యాయం. | అద్దె భవనాల్లో గురుకులాలు నడిపింది మీరు. |