Guinness World Record: భోపాల్‌లో గీతా జయంతి సందర్భంగా బుధవారం 7 వేల మంది పాల్గొని సామూహికంగా గీతా పఠించారు. వీరిలో 3721 మంది టీచర్స్ ఉన్నారు. ఈ కార్యక్రమంలో ముఖ్యమంత్రి డాక్టర్ మోహన్ యాదవ్ కూడా పాల్గొన్నారు. మోతీలాల్ నెహ్రూ స్టేడియంలో ఏర్పాటు చేసిన రాష్ట్ర స్థాయి కార్యక్రమంలో గీతా మూడో అధ్యాయం ‘కర్మయోగ’ పారాయణం సుమారు 11.30 గంటలకు ప్రారంభమై 9 నిమిషాల పాటు కొనసాగింది. గిన్నిస్ బుక్ ఆఫ్ వరల్డ్ రికార్డ్స్ ప్రతినిధి విశ్వనాథ్ ప్రపంచ రికార్డును ప్రకటించారు. అనంతరం గిన్నిస్ వరల్డ్ రికార్డ్ సర్టిఫికెట్‌ను సీఎం యాదవ్‌కు అందజేశారు.
ఇది కూడా చదవండి: Arvind Kejriwal: ఓటర్లను తొలగిస్తున్నారు.. ఈసీకి ఆప్ కంప్లైంట్!
Guinness World Record: ఈ సందర్భంగా రాష్ట్రంలోని 1.28 కోట్ల మంది అక్కాచెల్లెళ్ల బ్యాంకు ఖాతాల్లో సీఎం ఒక్క క్లిక్‌తో రూ.1250 జమ చేశారు. అలాగే 55 లక్షల మంది సామాజిక భద్రత పింఛను లబ్ధిదారులకు రూ.334 కోట్లను బదిలీ చేసింది. ఉజ్జయినిలోనూ అంతర్జాతీయ గీతా మహోత్సవ్‌లో నాలుగో రోజైన బుధవారం ఆచార్యులు, కళాశాలలు, పాఠశాలలు, సంస్కృత పాఠశాలల విద్యార్థులు సామూహికంగా గీతా పఠించారు. 5108 మంది చిన్నారులు ఉదయం 11 గంటలకు గీతా పఠనం ప్రారంభించారు, ఇది మధ్యాహ్నం 12 గంటల వరకు కొనసాగింది.