NEET PG 2026 Exam Date: మెడికల్ పీజీ కోర్సుల్లో చేరాలనుకునే విద్యార్థులకు ముఖ్య గమనిక. 2026-27 విద్యా సంవత్సరానికి సంబంధించి నీట్ పీజీ (NEET PG) మరియు నీట్ ఎండీఎస్ (NEET MDS) పరీక్షల షెడ్యూల్ను నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ (NBEMS) విడుదల చేసింది. దేశవ్యాప్తంగా ఉన్న మెడికల్ కాలేజీల్లో ప్రవేశాల కోసం నిర్వహించే ఈ పరీక్షల తేదీలతో పాటు, ఇంటర్న్షిప్ పూర్తి చేయాల్సిన గడువును కూడా అధికారులు ప్రకటించారు.
తాజా షెడ్యూల్ ప్రకారం, దంత వైద్య కోర్సుల్లో ప్రవేశానికి నిర్వహించే నీట్ ఎండీఎస్ – 2026 పరీక్షను మే 2, 2026న నిర్వహించనున్నారు. ఇక ఎండీ, ఎంఎస్ వంటి పీజీ మెడికల్ కోర్సుల కోసం నిర్వహించే నీట్ పీజీ – 2026 పరీక్ష ఆగస్టు 30, 2026న దేశవ్యాప్తంగా జరగనుంది. పరీక్షల తేదీలు ముందుగానే వెల్లడి కావడంతో విద్యార్థులు తమ ప్రిపరేషన్ను పక్కాగా ప్లాన్ చేసుకునే అవకాశం కలిగింది.
ఇది కూడా చదవండి: Telangana: ఇక అన్ని శాఖల్లో నూరుశాతం ఆన్లైన్ ఫైళ్లు.. 27 నుంచే అమలు
పరీక్ష రాయాలనుకునే అభ్యర్థులకు ఇంటర్న్షిప్ విషయంలో కూడా ఎన్బీఈఎంఎస్ స్పష్టమైన గడువు విధించింది. నీట్ ఎండీఎస్ రాసే విద్యార్థులు తమ ఇంటర్న్షిప్ను మే 31, 2026 లోపు పూర్తి చేయాల్సి ఉంటుంది. అలాగే నీట్ పీజీ రాసే అభ్యర్థులు సెప్టెంబర్ 30, 2026 నాటికి తమ ఇంటర్న్షిప్ను విజయవంతంగా పూర్తి చేసి ఉండాలి. ఈ గడువులోపు ఇంటర్న్షిప్ పూర్తి కాని వారు ఈ పరీక్షలకు అనర్హులని బోర్డు స్పష్టం చేసింది.
మెడికల్ విద్యార్థులకు ఈ పరీక్షలు ఎంతో కీలకం కాబట్టి, ఎప్పటికప్పుడు అప్డేట్స్ కోసం విద్యార్థులు అధికారిక వెబ్సైట్ను చూడాలని అధికారులు సూచిస్తున్నారు. పరీక్షల రిజిస్ట్రేషన్ ప్రక్రియ మరియు ఇతర వివరాలు త్వరలోనే వెల్లడి కానున్నాయి.
నీట్ పీజీ 2026 పరీక్ష షెడ్యూల్ కోసం ఇక్కడ క్లిక్ చేయండి.