The Paradise: నేచురల్ స్టార్ నాని ఫ్యాన్స్ ఎంతో ఆసక్తిగా ఎదురుచూస్తున్న మోస్ట్ అవేటెడ్ పాన్-ఇండియా యాక్షన్ డ్రామా ‘ది ప్యారడైజ్’ (The Paradise) సినిమా మరోసారి ఇండస్ట్రీ వర్గాల్లో హాట్ టాపిక్గా మారింది. తాజా సినీ నివేదికల ప్రకారం.. గతంలో ప్రకటించిన ఆగస్టు 21 రిలీజ్ డేట్కు కాకుండా, ఈ సినిమా సెప్టెంబర్ 25న ప్రపంచవ్యాప్తంగా థియేటర్లలోకి వచ్చే అవకాశం ఉంది. అయితే, ఈ విడుదల తేదీ మార్పుపై చిత్ర నిర్మాణ సంస్థ నుండి ఇంకా ఎలాంటి అధికారిక ప్రకటన రాలేదు. ఓవర్సీస్ ఇంకా కొన్ని ప్రధాన కేంద్రాలలో ఒక రోజు ముందే, అంటే సెప్టెంబర్ 24న ఈ మూవీ ప్రీమియర్స్ పడనున్నట్లు టాక్.
ఈ సినిమా ఇప్పటికే 120 పనిదినాల (Working Days) షూటింగ్ను విజయవంతంగా పూర్తి చేసుకుంది. కాగా, మరో 60 రోజుల టాకీ ఇంకా పాటల చిత్రీకరణ ఇంకా బ్యాలెన్స్ ఉన్నట్లు తెలుస్తోంది. రాబోయే రెండు నెలల పాటు ఈ నిరంతర షుటింగ్ షెడ్యూల్ సాగనుంది. ఈ మిగిలిన భాగం అంతా పూర్తయిన తర్వాతే సినిమా యూనిట్ పూర్తిస్థాయి పోస్ట్-ప్రొడక్షన్ పనులపై దృష్టి పెట్టనుంది. అలాగే, ఈ సినిమా రీ-షూట్లు జరుపుకుంటోందంటూ ఇటీవల వచ్చిన రూమర్లను మేకర్స్ పూర్తిగా కొట్టిపారేశారు. ప్రొడక్షన్ పనులు అనుకున్న ప్రణాళిక ప్రకారమే ఎలాంటి కాంప్రమైజ్ లేకుండా సాగుతున్నాయని స్పష్టం చేశారు.
శ్రీకాంత్ ఓదెల దర్శకత్వంలో, ఎస్ఎల్వీ సినిమాస్ బ్యానర్పై సుధాకర్ చెరుకూరి అత్యంత ప్రతిష్టాత్మకంగా నిర్మిస్తున్న ఈ సినిమాలో నాని సరసన కాయదు లోహర్ నటిస్తోంది. అలాగే ఈ భారీ తారాగణంలో మోహన్ బాబు, రాఘవ్ జుయల్, తనికెళ్ల భరణి, సొనాలి కుల్కర్ణి, సంపూర్ణేష్ బాబు, ఈశ్వరీ రావు కీలక పాత్రలు పోషిస్తున్నారు. ఈ సినిమాకి రాక్స్టార్ అనిరుధ్ రవిచందర్ సంగీతాన్ని అందిస్తుండగా, జి. కె. విష్ణు సినిమాటోగ్రఫీ, నవీన్ నూలి ఎడిటింగ్ బాధ్యతలను నిర్వహిస్తున్నారు. ముఖ్యంగా అనిరుధ్ తన బ్యాక్గ్రౌండ్ స్కోర్, మ్యూజిక్ వర్క్ను అనుకున్న సమయానికి పూర్తి చేయడంపైనే ఈ కండిషనల్ రిలీజ్ డేట్ ఆధారపడి ఉంది.
1980ల నాటి సికింద్రాబాద్ బ్యాక్డ్రాప్లో తెరకెక్కుతున్న ‘ది ప్యారడైజ్’ చిత్రంలో నాని తన కెరీర్లోనే మోస్ట్ ఇంటెన్స్ రోల్లో కనిపించబోతున్నారు. వెనుకబడిన ఒక సమాజం హక్కుల కోసం పోరాడే ఒక పవర్ఫుల్ లీడర్గా ఆయన పాత్ర ఉండబోతోంది. ఇప్పటికే విడుదలైన మేకింగ్ వీడియోతో పాటు, ‘ఆయా షేర్’ (Aaya Sher) ఫస్ట్ సింగిల్ చార్ట్బస్టర్ హిట్ సాధించడంతో ఈ సినిమాపై అంచనాలు ఆకాశాన్ని తాకాయి. ఈ భారీ యాక్షన్ ఎంటర్టైనర్ సెప్టెంబర్ 25న బాక్సాఫీస్ వద్ద ఎలాంటి రికార్డులను సృష్టిస్తుందో చూడాలి.