OTT: మలయాళ సినిమా ప్రపంచంలో సంచలనం సృష్టించిన ‘ప్రిన్స్ అండ్ ఫ్యామిలీ’ ZEE5లో 100 మిలియన్ స్ట్రీమింగ్ మినిట్స్ రికార్డ్‌ను నమోదు చేసింది. దిలీప్ హీరోగా నటించిన ఈ ఫీల్-గుడ్ ఫ్యామిలీ ఎంటర్‌టైనర్, కేరళలోని ఓ చిన్న పట్టణంలోని ప్రిన్స్ అనే ఇంట్రోవర్ట్ బ్రైడల్ బొటీక్ యజమాని కథ చుట్టూ తిరుగుతుంది. తనకు పూర్తి వ్యతిరేక వ్యక్తిత్వం ఉన్న చిన్జూ రాణితో వివాహం, అతని జీవితంలో చిలిపి గందరగోళాన్ని తెచ్చిపెడుతుంది.
Also Read: Priyamani: ‘గుడ్ వైఫ్’గా థ్రిల్ చేయబోతున్న ప్రియమణి!
OTT: బింటో స్టీఫెన్ దర్శకత్వంలో రూపొందిన ఈ చిత్రంలో ధ్యాన్ శ్రీనివాసన్, సిద్ధిఖ్, బిందు పనిక్కర్, మంజు పిళ్ళై, ఉర్వశి వంటి తారాగణం నటించారు. మే 9, 2025న థియేటర్లలో విడుదలై బాక్సాఫీస్ విజయం సాధించిన ఈ చిత్రం, జూన్ 20 నుంచి ZEE5లో స్ట్రీమింగ్ అవుతూ సోషల్ మీడియాలో ట్రెండింగ్‌గా నిలిచింది. గూగుల్ ట్రెండ్స్‌లో ‘మోస్ట్ సెర్చ్డ్ మూవీ’గా నిలిచి, మలయాళ సినిమా అభిమానుల హృదయాలను ఆకట్టుకుంది. కామెడీ, ఎమోషన్ మేళవించిన ఈ సినిమా అన్ని వయసుల వారిని ఆకట్టుకుంటోంది.