Kitchen Safety Tips: వంటగదిలో నూనె చిట్లడం అనేది చాలా మంది మహిళలకు ఎదురయ్యే సాధారణ సమస్య. ఇది చేతులు ముఖంపై కాలిన మరకలు, బొబ్బలు ఏర్పడటానికి దారితీస్తుంది. అలాగే కిచెన్‌లోని టైల్స్‌ ఇతర ఉపకరణాలపై నూనె మరకలు పడి జిడ్డుగా మారుతుంది. ఈ సమస్యలను నివారించడానికి కొన్ని సులభమైన చిట్కాలు ఉన్నాయి. వాటిని అనుసరించడం ద్వారా మీరు సురక్షితంగా వంట చేయవచ్చు.
1. కూరగాయలను బాగా ఆరబెట్టుకోవడం
- నూనెలో నీరు పడితే చిటపటలాడుతుంది. కాబట్టి, కూరగాయలు ఆకుకూరలను వంటకు ఉపయోగించే ముందు బాగా ఆరబెట్టుకోవాలి. వాటిని కడిగిన తర్వాత గిన్నెలో లేదా జాలీలో వేసి ఆరబెట్టుకోవచ్చు. ఇలా చేస్తే నూనె చిట్లడం తగ్గుతుంది.
2. నూనెను అధికంగా వేడెక్కకుండా చూసుకోవడం
- చాలా మంది నూనె బాగా వేడెక్కిన తర్వాత పోపు దినుసులు లేదా కూరగాయలను వేస్తారు. ఇది నూనె చిట్లడానికి కారణమవుతుంది. అలాగే పదార్థాలు త్వరగా మాడిపోతాయి. కాబట్టి, నూనెను మితంగా వేడెక్కేలా చూసుకోవాలి.
3. ఫ్రిజ్‌లో నుంచి తీసిన పదార్థాలను గది ఉష్ణోగ్రతకు తెచ్చుకోవడం
- ఫ్రిజ్‌లో నిల్వ చేసిన కూరగాయలు ఇతర పదార్థాలలో తేమ ఉంటుంది. వాటిని వెంటనే నూనెలో వేస్తే చిట్లే ప్రమాదం ఎక్కువ. కాబట్టి, ఫ్రిజ్‌లో నుంచి తీసిన పదార్థాలను గది ఉష్ణోగ్రతకు తెచ్చుకుని, తేమ తగ్గాక వాడాలి.
4. నూనెలో పిండి లేదా బ్రెడ్‌ ముక్కలు వేయడం
- నూనెలో కొద్దిగా పిండి లేదా బ్రెడ్‌ ముక్కలు వేస్తే, అవి తేమను గ్రహించి నూనె చిట్లకుండా చేస్తాయి. అయితే, ఇవి మరీ ఎక్కువగా వేయకుండా జాగ్రత్త పడాలి.
5. పాత్రను బాగా ఆరబెట్టుకోవడం
- తడిగా ఉన్న పాత్రలో నూనె పోస్తే అది చిట్లుతుంది. కాబట్టి, పాత్ర పూర్తిగా ఆరిన తర్వాత మాత్రమే నూనె పోయాలి.
ఇది కూడా చదవండి: Health Tips: ఈ ఆరోగ్య సమస్యలు ఉన్నవారు ఎండిన చేపలు అస్సలు తినొద్దు..
6. తక్కువ మంటపై వండడం
- చాలా మంది త్వరగా వంట పూర్తి చేయాలని హై ఫ్లేమ్‌లో వంట చేస్తారు. ఇది నూనెను అధికంగా వేడెక్కేలా చేస్తుంది. కాబట్టి, తక్కువ మంటపై వండడం మంచిది. ఇది రుచిని కూడా మెరుగుపరుస్తుంది.
7. రక్షణాత్మక చర్యలు
- నూనె చిట్లడం నుంచి రక్షణ పొందడానికి గ్లోవ్స్‌ ధరించడం, పొడవాటి స్లీవ్స్‌ ఉన్న దుస్తులు వేసుకోవడం, గరిట హ్యాండిల్‌ పొడవుగా ఉండేలా చూసుకోవడం వంటి జాగ్రత్తలు తీసుకోవచ్చు.
8. కిచెన్‌లో నూనె మరకలు పడకుండా జాగ్రత్తలు
- కిచెన్‌ ప్లాట్‌ఫామ్‌, స్టౌ బర్నర్స్‌, టైల్స్‌ ర్యాక్స్‌పై నూనె మరకలు పడకుండా ఉండేందుకు బేకింగ్‌ షీట్స్‌ వాడవచ్చు. ఇది కిచెన్‌ను శుభ్రంగా ఉంచడంలో సహాయపడుతుంది.
9. గ్యాడ్జెట్స్‌ను ఉపయోగించడం
- నూనె చిట్లడం కిచెన్‌లో జిడ్డు పట్టకుండా ఉండేందుకు వివిధ రకాల గ్యాడ్జెట్స్‌ మార్కెట్‌లో లభ్యమవుతున్నాయి. వాటిని ఉపయోగించడం ద్వారా ఈ సమస్యలను నివారించవచ్చు.
ఈ చిట్కాలను అనుసరించడం ద్వారా మీరు వంటగదిలో సురక్షితంగా సౌకర్యవంతంగా వంట చేయవచ్చు. అలాగే నూనె చిట్లడం వల్ల కలిగే అసౌకర్యాలను తగ్గించవచ్చు.