Karthik Subbaraj : తమిళ సినిమా దర్శకుడు కార్తీక్ సుబ్బరాజ్ మరోసారి తనదైన శైలిలో ప్రేక్షకులను ఆశ్చర్యపరిచేందుకు సిద్ధమవుతున్నారు. ‘పిజ్జా’, ‘జిగర్తండ’ వంటి బ్లాక్‌బస్టర్‌ చిత్రాలతో గుర్తింపు తెచ్చుకున్న ఈ దర్శకుడు, ఇప్పుడు తక్కువ బడ్జెట్‌తో కొత్త నటీనటులతో ఓ ఇండిపెండెంట్ సినిమా తీయబోతున్నట్లు ప్రకటించారు.
బాక్సాఫీస్ ఒత్తిడి లేకుండా, కేవలం కథకు ప్రాధాన్యమిచ్చే ఈ చిత్రం ఫిల్మ్ ఫెస్టివల్స్‌లో ముందుగా ప్రదర్శితమై, ఆ తర్వాత థియేటర్లలో విడుదల కానుంది. కార్తీక్ మాట్లాడుతూ, “నా లోపలి కళాకారుడిని బయటకు తీసుకొచ్చే చిత్రం ఇది. స్టార్ నటులు లేకుండా, కొత్త ముఖాలతో కథను చెప్పాలనుకుంటున్నా,” అని అన్నారు. ఈ సినిమా స్క్రిప్ట్ ఇప్పటికే సిద్ధమైనట్లు సమాచారం.
Also Read: JVAS Sequel: మనసులో మాట బయటపెట్టిన చిరంజీవి.. నాగ్ అశ్విన్ డైరెక్షన్ లో JVAS సీక్వెల్‌..?
Karthik Subbaraj : తమిళ సినిమాలో కంటెంట్ ఆధారిత చిత్రాలకు ఆదరణ పెరుగుతున్న నేపథ్యంలో, కార్తీక్ ప్రయోగం విజయవంతం అవుతుందని ఇండస్ట్రీ వర్గాలు భావిస్తున్నాయి. గతంలో తక్కువ బడ్జెట్‌తో ‘పిజ్జా’ వంటి సినిమాలతో సంచలనం సృష్టించిన కార్తీక్, మరోసారి తన సత్తా చాటేందుకు రంగం సిద్ధం చేస్తున్నారు. ఈ చిత్రం యువ నటులకు కొత్త అవకాశాలను తెరవనుందని అభిమానులు ఆశిస్తున్నారు.
రతిరి అధికారిక పూర్తి వీడియో పాట :