High Court: తెలంగాణలో స్థానిక సంస్థల ఎన్నికల నిర్వహణ విషయంలో కీలక పరిణామం చోటు చేసుకుంది. ఎన్నికలు నిర్వహించకపోవడాన్ని సవాలు చేస్తూ పలు గ్రామాల మాజీ సర్పంచ్‌లు హైకోర్టును ఆశ్రయించిన సంగతి తెలిసిందే. ఈ పిటిషన్‌పై మంగళవారం వాదనలు ముగియగా, నేడు హైకోర్టు తుది తీర్పు ఇచ్చింది.
హైకోర్టు జడ్జి జస్టిస్ టి. మాధవి దేవి స్పష్టంగా పేర్కొన్నారు – “సెప్టెంబర్ 30లోపు ఎట్టి పరిస్థితుల్లోనూ స్థానిక సంస్థల ఎన్నికలు పూర్తి చేయాలి” అని. అలాగే 30 రోజుల్లో వార్డు విభజన ప్రక్రియను పూర్తి చేయాలని ఆదేశాలు జారీ చేశారు.
ప్రభుత్వం – ఎన్నికల సంఘం వాదనలు ఇలా ఉన్నాయి
-
ప్రభుత్వం తరఫు న్యాయవాది ఎన్నికల నిర్వహణకు 30 రోజులు గడువు కావాలన్నారు.
-
రాష్ట్ర ఎన్నికల సంఘం మాత్రం 60 రోజుల సమయం అవసరమని వాదించింది.
ఇది కూడా చదవండి: Pawan Kalyan: పవన్ కల్యాణ్‌పై అనుచిత పోస్టులు.. ముగ్గురు అరెస్ట్
ఇరు పక్షాల వాదనలు విన్న అనంతరం హైకోర్టు సెప్టెంబర్ 30 చివరి తేదీగా ఖరారు చేసింది. ప్రభుత్వానికి, రాష్ట్ర ఎన్నికల సంఘానికి స్పష్టమైన ఆదేశాలు జారీ చేసింది.
ఇందులో ముఖ్యాంశాలు:
-
స్థానిక సంస్థల ఎన్నికలు వాయిదా వేయడాన్ని పలు గ్రామాల మాజీ ప్రజాప్రతినిధులు వ్యతిరేకించారు.
-
హైకోర్టు ప్రజాస్వామ్య విలువలు కాపాడే విధంగా తుది తీర్పు ఇచ్చింది.
-
ఎన్నికల ప్రక్రియకు సంబంధించి ముందస్తుగా ఏర్పాట్లు పూర్తి చేయాలని ఆదేశించింది.