Gold Price Today: బంగారం, వెండి ధరలు మళ్లీ మండిపోతున్నాయి. ఈ రోజుల్లో బంగారం కొనాలంటే సామాన్యులు కూడా భయపడాల్సిన పరిస్థితి వచ్చింది. కొద్దిగా తగ్గినట్టే తగ్గి, మరుసటి రోజే ఆకాశాన్ని తాకుతున్నాయి ఈ బులియన్ ధరలు. తాజాగా, డిసెంబర్ 12న తులం బంగారం ధర ఏకంగా లక్షా 30 వేల రూపాయలు దాటేసింది. ఈ రోజు తులం బంగారం ధర ₹1,30,760 వద్ద కొనసాగుతోంది. ఇక వెండి ధర కూడా తగ్గడం లేదు. కిలో వెండి ధర ఏకంగా ₹2,01,100 వద్ద ఉంది. ఈ ధరలు ఉదయం 6 గంటలకు ఉన్నవి మాత్రమే, రోజులో మార్పులు ఉండవచ్చు.
బంగారం ధరలు ఎందుకు పెరుగుతున్నాయి?
బంగారం, వెండి ధరలు ఇంతలా పెరగడానికి అనేక కారణాలు ఉన్నాయి. ముఖ్యంగా, ప్రపంచవ్యాప్తంగా వీటి డిమాండ్ విపరీతంగా పెరిగింది. మార్కెట్ విశ్లేషకులు చెప్తున్న దాని ప్రకారం, డాలర్ బలహీనపడటం కూడా ఒక ముఖ్యమైన కారణం. ఎప్పుడైతే ప్రపంచంలో ఉద్రిక్తతలు పెరుగుతాయో, ఆర్థిక అనిశ్చితి ఉంటుందో, అప్పుడు ప్రజలు తమ డబ్బును సురక్షితంగా దాచుకోవడానికి బంగారం, వెండి వంటి వాటిని కొనుగోలు చేస్తారు. ఇలాంటి ‘సేఫ్’ పెట్టుబడుల వైపు అందరూ మొగ్గు చూపడం వల్ల ధరలు పెరుగుతున్నాయి.
ప్రధాన నగరాల్లో నేటి బంగారం ధరలు (10 గ్రాములకు)
ముఖ్యమైన నగరాల్లో 10 గ్రాముల బంగారం ధరలు ఎలా ఉన్నాయో కింద చూడండి.
నగరం 24 క్యారెట్ల బంగారం 22 క్యారెట్ల బంగారం
ఢిల్లీ ₹1,30,910 ₹1,20,100
ముంబై ₹1,30,760 ₹1,19,860
హైదరాబాద్ ₹1,30,760 ₹1,19,860
విజయవాడ ₹1,30,760 ₹1,19,860
బెంగళూరు ₹1,30,760 ₹1,19,860
గమనిక: బంగారం ధరలు ప్రతి రోజు మారుతూ ఉంటాయి. ఉదయం 9 నుంచి 10 గంటల మధ్య అధికారికంగా ధరలు అప్డేట్ అవుతాయి. కొనే ముందు ఒకటికి రెండుసార్లు ధరలను సరిచూసుకోవడం మంచిది.