Gold Price Today: గత కొద్దిరోజులుగా ఆకాశాన్నంటుతున్న బంగారం ధరలు ఈరోజు కాస్త శాంతించాయి. నిత్యం పెరుగుతూ సామాన్యులకు భయం కలిగిస్తున్న పసిడి ధరలు శనివారం స్వల్పంగా తగ్గడం ఊరటనిచ్చే అంశం. అంతర్జాతీయ మార్కెట్లో వస్తున్న మార్పుల వల్ల మన దేశంలో కూడా ధరలు కొద్దిగా దిగివచ్చాయి. ముఖ్యంగా పెళ్లిళ్ల సీజన్ కావడంతో ఈ తగ్గుదల కొనుగోలుదారులకు కొంత ఉపశమనం కలిగిస్తోంది.
తెలుగు రాష్ట్రాల్లో బంగారం ధరలు:
హైదరాబాద్తో పాటు విజయవాడ, విశాఖపట్నం నగరాల్లో బంగారం ధరలు స్వల్పంగా తగ్గాయి. 24 క్యారెట్ల 10 గ్రాముల ధరపై రూ.10 తగ్గి, ప్రస్తుతం రూ.1,54,190 వద్ద కొనసాగుతోంది. అలాగే, ఆభరణాల తయారీకి వాడే 22 క్యారెట్ల బంగారం ధర కూడా రూ.10 తగ్గి రూ.1,41,340 కి చేరుకుంది. ధరల్లో మార్పు చాలా తక్కువగా ఉన్నప్పటికీ, రేట్లు పెరగకుండా స్థిరంగా ఉండటం గమనార్హం.
వెండి ధర కూడా డౌన్:
బంగారంతో పాటే వెండి కూడా అదే బాటలో నడిచింది. హైదరాబాద్ మార్కెట్లో కిలో వెండి ధరపై రూ.100 తగ్గింది. దీంతో ప్రస్తుతం కిలో వెండి ధర రూ.2,74,900 గా ఉంది. విజయవాడ, వైజాగ్లలో కూడా ఇవే ధరలు కొనసాగుతున్నాయి. పారిశ్రామికంగా వెండికి ఎంత డిమాండ్ ఉన్నా, అంతర్జాతీయ మార్కెట్ ప్రభావంతో ధరలు స్వల్పంగా తగ్గాయి.
ఇతర నగరాల్లో పరిస్థితి:
మన దేశంలోని ఇతర ప్రధాన నగరాలతో పోలిస్తే హైదరాబాద్లో రేట్లు కాస్త తక్కువగానే ఉన్నాయి. ఢిల్లీలో 24 క్యారెట్ల బంగారం రూ.1,54,340 గా ఉండగా, చెన్నైలో అత్యధికంగా రూ.1,55,010 వద్ద కొనసాగుతోంది. బెంగళూరు, ముంబై నగరాల్లో మాత్రం హైదరాబాద్తో సమానంగా ధరలు ఉన్నాయి. ప్రాంతాన్ని బట్టి రవాణా ఖర్చులు, పన్నులు మారడం వల్ల ఈ చిన్నపాటి తేడాలు ఉంటాయని మార్కెట్ నిపుణులు చెబుతున్నారు.