Revenge for Gaza: ఉద్యోగంలో చేరకముందే హైజాక్ ప్లాన్.. భారత కెప్టెన్ సాహసంతో తప్పిన పెను ముప్పు!

ఉద్యోగంలో చేరకముందే ఆత్మాహుతి కుట్ర – గాజా ప్రతీకారమే లక్ష్యం..

కాక్‌పిట్‌లో ఏం జరిగింది? – భారత కెప్టెన్ అప్రమత్తత..

• విరామం అనంతరం కాక్‌పిట్‌లోకి వచ్చి ఒక్కసారిగా క్రాష్ గొడ్డలితో భారత ప్రధాన పైలట్ (కెప్టెన్) స్మిత్ మచ్ఛార్‌పై విచక్షణారహితంగా దాడి చేశాడు.
• తీవ్రంగా రక్తస్రావమవుతున్నా కెప్టెన్ స్మిత్ మచ్ఛార్ అసమాన ధైర్యసాహసాలు ప్రదర్శించి, వెంటనే కాక్‌పిట్ తలుపులను లోపలి నుంచి అన్‌లాక్ చేసి ప్యాసింజర్ క్యాబిన్‌ను, విధుల్లో లేని (ఆఫ్-డ్యూటీ) పైలట్‌ను అప్రమత్తం చేశారు.
• నిందితుడు విమాన కంట్రోల్స్‌ను ధ్వంసం చేసి ఏకంగా 14,000 అడుగుల మేర నిటారుగా కిందకు దించి ఎడారిలో లేదా సముద్రంలో కూల్చేయడానికి యత్నించాడు.
• ఈలోపు ప్రయాణికులు, ఫ్లైట్ సిబ్బంది, ఆఫ్-డ్యూటీ పైలట్లు కాక్‌పిట్‌లోకి దూసుకెళ్లి హుమామ్‌ను బలవంతంగా పట్టుకుని తాళ్లతో బంధించారు. వెంటనే విమానాన్ని స్వాధీనం చేసుకుని సౌదీ అరేబియాలోని తబూక్ ఎయిర్‌పోర్టుకు మళ్లించి ఉదయం 10:57 గంటలకు సురక్షితంగా ఎమర్జెన్సీ ల్యాండింగ్ చేశారు.

150 మంది పౌరులున్నా కూల్చేయడానికి సిద్ధమైన ఇజ్రాయెల్ ఎయిర్‌ఫోర్స్..

• టెల్ అవీవ్‌లోని అజ్రియేలీ టవర్లు లేదా ఇతర నివాస ప్రాంతాలపై విమానం పడితే వేల సంఖ్యలో ప్రాణనష్టం జరుగుతుందని భద్రతా దళాలు అంచనా వేశాయి.
• విమానంలో 150 మందికి పైగా ఇజ్రాయెల్ పౌరులు ఉన్నప్పటికీ.. దేశ ప్రయోజనాల దృష్ట్యా గాల్లోనే ఫైటర్ జెట్లతో ఆ విమానాన్ని కూల్చివేయడానికి (Shoot down) అత్యవసర కమాండ్ సెంటర్ నిర్ణయించింది.
• అయితే భారత కెప్టెన్ చాకచక్యంతో పరిస్థితి అదుపులోకి వచ్చి, విమానం సౌదీ వైపు మళ్లడంతో ఇజ్రాయెల్ తమ యుద్ధ విమానాలను వెనక్కి పిలిపించింది.