Flipkart Sales: కొత్త ఏడాది 2026లో షాపింగ్ ప్రియుల కోసం ఫ్లిప్కార్ట్ అదిరిపోయే శుభవార్త మోసుకొచ్చింది. దేశవ్యాప్తంగా ఎంతో ఆసక్తిగా ఎదురుచూసే ‘రిపబ్లిక్ డే సేల్’ తేదీలు ఖరారయ్యాయి. ఈ భారీ సేల్ జనవరి 17న అందరికీ అందుబాటులోకి రానుంది. అయితే మీరు ఫ్లిప్కార్ట్ ప్లస్ లేదా బ్లాక్ మెంబర్ అయి ఉంటే మాత్రం, ఇతరుల కంటే ఒక రోజు ముందే అంటే జనవరి 16 నుంచే ఈ డీల్స్ను సొంతం చేసుకోవచ్చు. ప్రతి ఏటా నిర్వహించే ఈ సేల్లో ఈసారి కూడా ఎలక్ట్రానిక్స్ మరియు గృహోపకరణాలపై ఊహించని ఆఫర్లు ఉంటాయని కంపెనీ హింట్ ఇచ్చింది.
ప్రస్తుతం కొత్త స్మార్ట్ఫోన్ కొనాలనుకునే వారికి ఇది ఒక గొప్ప అవకాశం. ముఖ్యంగా ఐఫోన్ ధరలు ఈ సేల్లో భారీగా తగ్గే అవకాశం ఉందని మార్కెట్ వర్గాలు భావిస్తున్నాయి. ఐఫోన్తో పాటు శామ్సంగ్, వివో, పోకో వంటి ప్రముఖ బ్రాండ్ల ఫోన్లపై కూడా ఆకర్షణీయమైన తగ్గింపులు ఉంటాయి.
ఇది కూడా చదవండి: Harish Rao: రేవంత్ సర్కార్పై హరీష్ రావు ఫైర్.. “ఇది ప్రజా పాలనా? లేక పైరవీల పాలనా?”
పాత ఫోన్ ఇచ్చి కొత్త ఫోన్ తీసుకోవాలనుకునే వారి కోసం బెస్ట్ ఎక్స్ఛేంజ్ ఆఫర్లను కూడా ఫ్లిప్కార్ట్ సిద్ధం చేసింది. కేవలం ఫోన్లే కాకుండా ల్యాప్టాప్లు, ఇయర్బడ్స్, స్మార్ట్ వాచ్ల మీద కూడా బంపర్ డిస్కౌంట్లు లభించనున్నాయి.
షాపింగ్ను మరింత చౌకగా మార్చేందుకు బ్యాంక్ ఆఫర్లు తోడయ్యాయి. హెచ్డీఎఫ్సీ బ్యాంక్ కార్డులతో కొనుగోలు చేసే వారికి 10 శాతం వరకు తక్షణ తగ్గింపుతో పాటు సులభమైన ఈఎంఐ సౌకర్యం కూడా ఉంది. కొన్ని ఇతర బ్యాంక్ కార్డులపై 15 శాతం వరకు రాయితీ పొందే వీలుంది. వీటితో పాటు తక్కువ సమయంలో ఎక్కువ లాభం ఇచ్చే ‘రష్ అవర్’, ‘జాక్పాట్ డీల్స్’ వంటి ప్రత్యేక ఆఫర్లు కూడా ఉంటాయి. ఇంటికి కావాల్సిన ఫ్రిజ్లు, వాషింగ్ మెషీన్లు కొనడానికి కూడా ఈ సేల్ సరైన సమయం అని చెప్పొచ్చు.