Epstein Files: ప్రపంచాన్ని కుదిపేసిన జెఫ్రీ ఎప్స్టీన్ లైంగిక కుంభకోణం కేసు మళ్ళీ తెరపైకి వచ్చింది. అమెరికా న్యాయశాఖ తాజాగా విడుదల చేసిన 30,000 పేజీల రహస్య పత్రాలు అంతర్జాతీయ స్థాయిలో సంచలనం సృష్టిస్తున్నాయి. ముఖ్యంగా అమెరికా అధ్యక్షుడు డొనాల్డ్ ట్రంప్కు ఈ కేసుతో ఉన్న సంబంధాలపై కొత్త నిజాలు వెలుగులోకి రావడం ఇప్పుడు హాట్ టాపిక్గా మారింది.
ఎప్స్టీన్ ప్రైవేట్ జెట్లో ట్రంప్ ప్రయాణాలు
తాజా ఫ్లైట్ లాగ్స్ ప్రకారం, 1993 నుంచి 1996 మధ్య కాలంలో డొనాల్డ్ ట్రంప్.. ఎప్స్టీన్ సొంత విమానంలో 8 సార్లు ప్రయాణించినట్లు ఆధారాలు లభించాయి. గతంలో ప్రచారంలో ఉన్న దానికంటే ఇది ఎక్కువ కావడం గమనార్హం.
ఈ ప్రయాణాల్లో ట్రంప్తో పాటు ఆయన మాజీ భార్య మార్లా మాపిల్స్, పిల్లలు టిఫనీ, ఎరిక్ కూడా ఉన్నట్లు రికార్డులు చెబుతున్నాయి. 1993లో ఒక సందర్భంలో కేవలం ఎప్స్టీన్, ట్రంప్ మాత్రమే విమానంలో ప్రయాణించగా, మరోసారి 20 ఏళ్ల యువతితో కలిసి వీరిద్దరూ ప్రయాణించినట్లు సమాచారం. ఎప్స్టీన్ ప్రధాన అనుచరురాలు గిస్లేన్ మ్యాక్స్వెల్ కూడా ఈ ట్రిప్పులలో 4 సార్లు వారితో కలిసి ఉంది.
ఇది కూడా చదవండి: VC.Sajjanar: న్యూ ఇయర్ వేడుకల్లో ‘సజ్జనార్’ మార్క్ రూల్స్.. హద్దు మీరితే జైలుకే!
విస్మయానికి గురిచేస్తున్న అత్యాచార ఆరోపణలు
విడుదలైన కొత్త పత్రాలలో ఒక మహిళ చేసిన ఫిర్యాదు అత్యంత వివాదాస్పదంగా మారింది. 1997లో ఒక హై-ఎండ్ హోటల్లో ట్రంప్, ఎప్స్టీన్ కలిసి తనపై అత్యాచారం చేశారని ఆమె 2020 నాటి FBI ఇన్టేక్ ఫారమ్లో పేర్కొన్నట్లు తెలుస్తోంది.
అంతేకాకుండా, ఒక డ్రైవర్ ఇచ్చిన సమాచారం ప్రకారం:
1995లో ట్రంప్ను విమానాశ్రయానికి తీసుకెళ్తున్నప్పుడు, ఆయన ఫోన్లో ఒక అమ్మాయిని వేధిస్తున్నట్లు డ్రైవర్ విన్నాడు. ఆ ఫోన్ సంభాషణలో ట్రంప్ పదే పదే ‘జెఫ్రీ’ (ఎప్స్టీన్) పేరును ఉచ్చరించాడట. విచిత్రమేమిటంటే, ఈ వివరాలు వెల్లడించిన సదరు డ్రైవర్ 2000వ సంవత్సరంలో ఆత్మహత్య చేసుకున్నాడు.
The Department of Justice has officially released nearly 30,000 more pages of documents related to Jeffrey Epstein.
Some of these documents contain untrue and sensationalist claims made against President Trump that were submitted to the FBI right before the 2020 election. To be…
— U.S. Department of Justice (@TheJusticeDept) December 23, 2025
న్యాయశాఖ వివరణ: రాజకీయ ప్రేరేపితమా?
ఈ పత్రాల విడుదలపై అమెరికా న్యాయశాఖ స్పందిస్తూ, తాము ఏ రాజకీయ నాయకుడిని రక్షించే ఉద్దేశంతో లేమని స్పష్టం చేసింది.
ఇది కూడా చదవండి: Woorkeri Raman: గిల్ను తప్పించడంలో అతని తప్పు ఏమీ లేదు
బాధితుల గోప్యత కోసం కొన్ని వివరాలను సెన్సార్ చేశాం తప్ప, పారదర్శకత కోసమే ఈ ఫైల్స్ను బహిర్గతం చేస్తున్నాం. అయితే, ట్రంప్పై వచ్చిన అత్యాచార ఆరోపణలకు సరైన ఆధారాలు లేవు, అందుకే ఆయనను ఎప్పుడూ అధికారికంగా విచారించలేదు అని అధికారులు పేర్కొన్నారు.
ఎందుకు ఈ కేసు ఇంత కీలకం?
జెఫ్రీ ఎప్స్టీన్ కేవలం ఒక ఇన్వెస్టర్ మాత్రమే కాదు, మైనర్ బాలికల అక్రమ రవాణా (Human Trafficking) మరియు లైంగిక దాడుల నెట్వర్క్ను నడిపిన నిందితుడు. 2019లో జైలులో అతను ఆత్మహత్య చేసుకున్నప్పటికీ, అతనితో సంబంధాలు ఉన్న బిల్ క్లింటన్, బిల్ గేట్స్, డొనాల్డ్ ట్రంప్ వంటి హేమాహేమీల పేర్లు బయటకు రావడం ప్రపంచవ్యాప్తంగా చర్చకు దారితీసింది.