Chandrababu: భవిష్యత్తులో పాప్‌కార్న్ అంటే ముసునూరే గుర్తొస్తుంది..

• ఆసియాలోనే అతిపెద్ద కేంద్రం: ముసునూరులో ఏర్పాటు చేసిన ఈ ప్రాసెసింగ్ కేంద్రం గంటకు 29 టన్నుల సామర్థ్యంతో ఆసియాలోనే అతిపెద్దదిగా నిలవడం గర్వకారణం. గత 11 ఏళ్లలోనే దేశవ్యాప్తంగా 8 రాష్ట్రాల్లో 17,500 మంది రైతులతో 40 వేల ఎకరాల్లో సాగు విస్తరించడం గొప్ప విజయం. దేశీయ మొక్కజొన్న మార్కెట్‌లో 69 శాతం వాటాను సొంతం చేసుకుంది.
• రైల్వే స్టేషన్లలో మన ఉత్పత్తులు: మన అరకు కాఫీ తరహాలోనే ముసునూరు పాప్‌కార్న్‌ను కూడా దేశంలోని ప్రధాన రైల్వే స్టేషన్లలో ప్రయాణికులకు అందుబాటులో ఉంచాలి. రవాణా సౌకర్యాల కల్పనపై కేంద్ర రైల్వే మంత్రితో మాట్లాడతానని ఉపరాష్ట్రపతి హామీ ఇవ్వడం హర్షణీయం.
• అంతర్జాతీయ ఎగుమతులు & స్వదేశీ విధానం: మన వ్యవసాయ ఉత్పత్తులను నేరుగా గ్లోబల్ మార్కెట్‌కు తీసుకెళ్లినప్పుడే వాటికి రెట్టింపు విలువ, రైతులకు అధిక ఆదాయం లభిస్తాయని చెప్పారు. స్వదేశీ సాంకేతికతతో ఆహార రంగంలో స్వయం సమృద్ధి సాధించడమే ప్రభుత్వ లక్ష్యమన్నారు.

పోలవరం జలాలు, నదుల అనుసంధానం & సాగునీటి ప్రణాళికలు..

1. అనకాపల్లికి పోలవరం నీళ్లు: ఎల్ నినో ప్రభావంతో రాష్ట్రంలో 52 శాతం లోటు వర్షపాతం ఉన్నప్పటికీ రైతులను ఆదుకునేందుకు చర్యలు తీసుకుంటున్నామని, ఈ నెలలోనే పోలవరం ఎడమ కాలువ ద్వారా అనకాపల్లి ప్రాంతానికి నీరు అందిస్తామని తెలిపారు.
2. నదుల అనుసంధానమే ధ్యేయం: గోదావరి–కావేరి నదుల అనుసంధానం ద్వారానే శాశ్వత నీటి సమస్యలు తీరుతాయని, రానున్న రోజుల్లో కరవు ప్రాంతమైన రాయలసీమను దేశంలోనే అతిపెద్ద హార్టికల్చర్ హబ్గా తీర్చిదిద్దుతామని చంద్రబాబు పునరుద్ఘాటించారు.