Category: News

Supreme Court: హిందూ, బౌద్ధ, సిక్కు మతాలు కాకుండా ఇతర మతాల్లోకి మారితే ఎస్సీ హోదా రద్దవుతుందని సుప్రీంకోర్టు తీర్పునిచ్చింది. మతం మారిన వారికి అట్రాసిటీ చట్టం కింద రక్షణ లభించదని, కుల సర్టిఫికెట్ ఉన్నా మతం ఆధారంగానే హోదా నిర్ణయించబడుతుందని ధర్మాసనం స్పష్టం చేసింది. ఏపీ హైకోర్టు ఇచ్చిన తీర్పును అత్యున్నత న్యాయస్థానం సమర్థించింది.

విజయవాడలో ఉగ్రవాద భావజాలానికి ఆకర్షితులైన ముగ్గురు యువకులను పోలీసులు అరెస్ట్ చేశారు. BENX అనే గ్రూపు ద్వారా వీరు విదేశీ హ్యాండ్లర్లతో సంబంధాలు కలిగి ఉన్నట్లు తేలింది. ఈ కేసులో హైదరాబాద్, బిహార్‌కు చెందిన వ్యక్తుల ప్రమేయం ఉండటంతో పోలీసులు దర్యాప్తును వేగవంతం చేశారు.

అనకాపల్లి జిల్లా రాజయ్యపేటలో రూ.1.36 లక్షల కోట్ల పెట్టుబడితో దేశంలోనే అతిపెద్ద స్టీల్ ప్లాంట్‌కు సీఎం చంద్రబాబు భూమిపూజ చేశారు. ఆర్సెల్లార్ మిట్టల్ నిర్మిస్తున్న ఈ ప్లాంట్ ద్వారా లక్ష మందికి ఉపాధి లభించనుంది. 2028 నాటికి ఉత్పత్తి ప్రారంభించి, ఉత్తరాంధ్రను పారిశ్రామిక హబ్‌గా మార్చడమే లక్ష్యమని సీఎం స్పష్టం చేశారు.