Avengers: Doomsday: డూమ్స్‌డేలో కనిపించని స్పైడర్ మాన్.. రీజన్ ఇదేనా..?

1. ఐరన్ మ్యాన్ రాబర్ట్ డౌనీ జూనియర్ రీ-ఎంట్రీ!

మార్వెల్ సినిమాల్లో ‘ఐరన్ మ్యాన్’గా కోట్ల మంది అభిమానుల మనసులు గెలుచుకున్న రాబర్ట్ డౌనీ జూనియర్, ఈసారి సరికొత్త విలన్ అవతారం ‘డాక్టర్ డూమ్’ (Doctor Doom) పాత్రలో రాబోతుండటం ఈ సినిమాకు అతిపెద్ద హైలైట్.

‘అవెంజర్స్: ఇన్ఫినిటీ వార్’, ‘అవెంజర్స్: ఎండ్‌గేమ్’ వంటి ఇండస్ట్రీ హిట్ చిత్రాలను అందించిన రూసో బ్రదర్స్ (Russo Brothers) మళ్లీ ఈ చిత్రానికి దర్శకత్వం వహించారు. గత నాలుగు అవెంజర్స్ సినిమాలు కలిపి ప్రపంచవ్యాప్తంగా 7.7 బిలియన్ డాలర్ల పైగా వసూలు చేయడం విశేషం.

2. భారీ తారగణం (Mega Cast Assembly)

ఈ సినిమాలో దాదాపు అందరు ప్రముఖ మార్వెల్ హీరోలు ఒకే తెరపై కనిపించబోతున్నారు..

క్రిస్ హెమ్స్‌వర్త్ (థోర్), ఆంథోనీ మాకీ (కెప్టెన్ అమెరికా), వనెస్సా కిర్బీ (సు స్టోర్మ్), పెడ్రో పాస్కల్ (రీడ్ రిచర్డ్స్), టామ్ హిడిల్‌స్టన్ (లోకి), ఫ్లోరెన్స్ పగ్ (యెలెనా బెలోవా), సెబాస్టియన్ స్టాన్ (బక్కీ బార్న్స్), సిము ల్యూ (షాంగ్-చి), లెటీషియా రైట్ (బ్లాక్ పాంథర్), మరియు ఇయాన్ మెక్‌కెల్లెన్ (మాగ్నెటో) వంటి భారీ తారగణం ఇందులో నటిస్తున్నారు.

లూయిస్ పుల్‌మాన్ నిర్వర్తించే ‘రాబర్ట్ రేనాల్డ్స్’ అలియాస్ ‘సెంట్రీ’ క్యారెక్టర్ కూడా ఈ సినిమాలో సందడి చేయనుంది.

3. స్పైడర్ మ్యాన్ ఉంటాడా?

టామ్ హాలాండ్ పోషించే ‘స్పైడర్ మ్యాన్’ పాత్ర ఈ సినిమాలో ఉందో లేదో మార్వెల్ ఇంకా అధికారికంగా ప్రకటించలేదు.

‘అవెంజర్స్: డూమ్స్‌డే’ షూటింగ్ 2025 ఏప్రిల్ నుండి సెప్టెంబర్ వరకు జరగగా.. అదే సమయంలో టామ్ హాలాండ్ నటించిన ‘స్పైడర్ మ్యాన్: బ్రాండ్ న్యూ డే’ సినిమా షూటింగ్ కూడా నడిచింది. దీంతో డేట్లు కలవక స్పైడర్ మ్యాన్ పాత్ర ఇందులో ఎక్కువగా ఉండకపోవచ్చని టాక్ నడుస్తోంది.

4. భారతదేశంలో విడుదల ఎప్పుడు?

ఈ విజువల్ వండర్ యాక్షన్ ఎంటర్‌టైనర్ సినిమా 2026 డిసెంబర్ 18న ప్రపంచవ్యాప్తంగా థియేటర్లలో గ్రాండ్‌గా విడుదల కానుంది. ఇండియాలో ఇంగ్లీష్‌తో పాటు తెలుగు, హిందీ, ఇంకా తమిళ భాషల్లో బిగ్ స్క్రీన్ ఎక్స్‌పీరియన్స్ ఇచ్చేలా భారీ స్థాయిలో రిలీజ్ చేయనున్నారు.