Allu Arjun: ఐకాన్ స్టార్ అల్లు అర్జున్ టైటిల్ పాత్ర పోషించిన బ్లాక్ బస్టర్ సీక్వెల్ చిత్రం ‘పుష్ప 2: ది రూల్’ విడుదలై నేటితో (డిసెంబర్ 5) సరిగ్గా ఒక సంవత్సరం పూర్తయింది. క్రియేటివ్ డైరెక్టర్ సుకుమార్ దర్శకత్వంలో రూపొందిన ఈ చిత్రం, సరిగ్గా ఏడాది క్రితం తెలుగు, తమిళం, మలయాళం, హిందీ, కన్నడ భాషల్లో ప్రపంచవ్యాప్తంగా థియేటర్లలో విడుదలై రికార్డుల సునామీ సృష్టించింది.
‘పుష్ప 2’ ప్రపంచవ్యాప్తంగా బాక్సాఫీస్ వద్ద భారీ వసూళ్లు సాధించి, భారతీయ సినీ చరిత్రలో అత్యధిక వసూళ్లు సాధించిన (జాతీయ) చిత్రంగా తన స్థానాన్ని మరింత పటిష్టం చేసుకుంది. ఈ చిత్రం సాధించిన ఘనత ఇండియన్ ఫిల్మ్ ఇండస్ట్రీలో ఒక ట్రెండింగ్ టాపిక్గా నిలిచింది.
Also Read: Ram Charan: దుబాయ్లో చరణ్-సుకుమార్ స్క్రిప్ట్ డిస్కషన్స్?
అల్లు అర్జున్ ఎమోషనల్ పోస్ట్
‘పుష్ప 2’ విడుదలై ఏడాది పూర్తయిన సందర్భంగా హీరో అల్లు అర్జున్ సోషల్ మీడియాలో ఒక ప్రత్యేకమైన పోస్ట్ను షేర్ చేశారు. ఈ చిత్రంలోని క్లైమాక్స్ పోర్షన్ చిత్రీకరణ సమయంలో దర్శకుడు సుకుమార్తో కలిసి ఉన్న ఒక ఫోటోను ఆయన పంచుకున్నారు.
అల్లు అర్జున్ తన పోస్ట్లో ఈ సినిమా ప్రయాణాన్ని గురించి ఎమోషనల్ అయ్యారు. “మా జీవితంలో ఐదేళ్లపాటు సాగిన మరువలేని ప్రయాణంగా పుష్ప నిలిచింది. ఈ చిత్రంపై ప్రేక్షకులు చూపించిన ప్రేమ, అభిమానం మాలో మరింత ధైర్యాన్ని, ప్రేరణను ఇచ్చింది. ఈ సినిమాను ఒక అద్భుతంగా మార్చిన చిత్ర యూనిట్లోని ప్రతిఒక్కరికీ మేము ఎల్లప్పుడూ కృతజ్ఞులమై ఉంటాం. ఇంత గొప్ప టీంతో కలిసి పనిచేయడం నాకు దక్కిన గౌరవం,” అని ఆయన రాసుకొచ్చారు.
PUSHPA has been an unforgettable five-year journey in our lives.
This movie’s audience has given us immense love, strength, and courage to dive deeper into our craft. We will always be grateful to everyone in this country and beyond for making it a phenomenon.It has been my… pic.twitter.com/R45nH33dOR
— Allu Arjun (@alluarjun) December 5, 2025