Hyderabad: ప్రజాపాలన విజయోత్సవాల సందర్భంగా ట్యాంక్ బండ్ పై నిర్వహించనున్న ఎయిర్ షోకు సంబంధించి అన్ని ఏర్పాట్లు పూర్తయ్యాయి. ముఖ్యమంత్రి రేవంత్, రాష్ట్ర మంత్రులు, వీవీఐపీలు, సీనియర్ ఎయిర్ ఫోర్స్ అధికారులు ఈ కార్యక్రమంలో పాల్గొననున్నారు. ఈ షోలో 9 సూర్యకిరణ్ విమానాలు వైమానిక విన్యాసాలు ప్రదర్శిస్తాయి. ఎయిర్ షో 3 గంటల నుంచి 5 గంటల మధ్య జరుగుతుందనే విషయం అధికారులచే ప్రకటించబడింది.
ఈ సందర్భంగా, రాష్ట్ర ప్రభుత్వ ప్రధాన కార్యదర్శి శాంతికుమారి, సమీక్ష నిర్వహించి, కట్టుదిట్టమైన ఏర్పాట్లను సూచించారు. శనివారం సచివాలయంలో ఆమె ఆదేశాల ప్రకారం, ఎయిర్ షో తర్వాత రాహుల్ సిప్లిగంజ్ సంగీత కచేరీ కూడా ఉంటుంది, దీనికి అనుగుణంగా ఫుడ్ స్టాల్స్ కూడా ఏర్పాటు చేశారు.
పోలీసులు, మధ్యాహ్నం 2 గంటల నుండి ట్యాంక్‌బండ్ మీద ట్రాఫిక్ ఆంక్షలు ఉంటాయని ప్రకటించారు. ప్రజలు వేడుకలకు పెద్ద ఎత్తున హాజరయ్యే అవకాశం ఉండటంతో, ప్రజలను సహకరించాలని సూచించారు. నేడు ట్యాంక్‌బండ్‌పై ఎయిర్ షో సందర్బంగా.. ట్రాఫిక్ ఆంక్షలు ఉంటాయని పోలీసులు తెలిపారు. మధ్యాహ్నం 2 గంటల నుంచి ట్యాంక్‌బండ్‌పై ట్రాఫిక్ మళ్లింపు ఉంటుందని అన్నారు. ప్రయాణికులు సహకరించాలని తెలిపారు. వీకెండ్ కావడంతో పెద్ద ఎత్తున ప్రజలు హాజరవుతారని భావిస్తున్నారు.