RRC Railway Jobs 2025: భారతీయ రైల్వే ఉద్యోగాలు ఆశించే యువ క్రీడాకారులకు శుభవార్త. రైల్వే రిక్రూట్‌మెంట్ సెల్ (RRC), ఈస్టర్న్ రైల్వేలో స్పోర్ట్స్ కోటా కింద ఉద్యోగాల భర్తీకి నోటిఫికేషన్ విడుదల చేసింది. ఈ నోటిఫికేషన్ ద్వారా గ్రూప్ సీ, గ్రూప్ డీ విభాగాల్లో మొత్తం 50 ఉద్యోగాలను భర్తీ చేయనున్నారు. ఈ నియామకాలకు రాత పరీక్ష ఉండదు.
ముఖ్య వివరాలు
* పోస్టులు: ఆర్చరీ, అథ్లెటిక్స్, బ్యాడ్మింటన్, బాస్కెట్‌బాల్, కబడ్డీ, టేబుల్ టెన్నీస్, క్రికెట్, ఫుట్‌బాల్, హాకీ, స్విమ్మింగ్, వాలీబాల్.
* విద్యార్హత: ఐటీఐ, పదో తరగతి, ఇంటర్, లేదా డిగ్రీ ఉత్తీర్ణతతో పాటు సంబంధిత క్రీడా విభాగంలో ప్రావీణ్యం ఉండాలి.
* వయోపరిమితి: 2025 జనవరి 1 నాటికి 18 నుంచి 25 ఏళ్ల మధ్య ఉండాలి.
* క్రీడా అర్హతలు: ఒలింపిక్స్, ప్రపంచ ఛాంపియన్‌షిప్‌లు, ఆసియా క్రీడలు, కామన్వెల్త్ క్రీడలలో భారతదేశానికి ప్రాతినిధ్యం వహించి ఉండాలి. లేదా జాతీయ, యూనివర్సిటీ స్థాయి పోటీలలో టాప్ ర్యాంకులు సాధించి ఉండాలి.
* దరఖాస్తు గడువు: ఆసక్తిగల అభ్యర్థులు అక్టోబర్ 9, 2025 సాయంత్రం 6 గంటల లోపు ఆన్‌లైన్‌లో దరఖాస్తు చేసుకోవచ్చు.
ఎంపిక ప్రక్రియ
ఈ ఉద్యోగాలకు రాత పరీక్ష ఉండదు. అభ్యర్థుల ఎంపిక క్రీడా సామర్థ్యం ఆధారంగా జరుగుతుంది.
* ఫీల్డ్ ట్రయల్స్: షార్ట్‌లిస్ట్ అయిన అభ్యర్థులకు డిసెంబర్ 2025 నుంచి జనవరి 2026 మధ్య క్రీడా సామర్థ్య పరీక్షలు (ట్రయల్స్) నిర్వహిస్తారు. ఈ పరీక్షలకు 40 మార్కులు కేటాయించారు.
* మార్కుల విభజన: క్రీడా సామర్థ్యానికి 40 మార్కులు, స్పోర్ట్స్ హిస్టరీకి 50 మార్కులు, విద్యార్హతలకు 10 మార్కులు ఉంటాయి.
* తదుపరి ప్రక్రియ: ట్రయల్స్‌లో అర్హత సాధించిన వారికి డాక్యుమెంట్ వెరిఫికేషన్, వైద్య పరీక్షలు నిర్వహిస్తారు.
* వేతనం: ఎంపికైన వారికి పోస్టును బట్టి నెలకు రూ.18,000 నుంచి రూ.45,000 వరకు జీతం లభిస్తుంది.
దరఖాస్తు రుసుము జనరల్/ఓబీసీ/ఈడబ్ల్యూఎస్ అభ్యర్థులకు రూ.500, ఎస్సీ/ఎస్టీ/మహిళలకు రూ.250గా నిర్ణయించారు. ట్రయల్స్‌లో పాల్గొన్న వారికి రూ.400 తిరిగి చెల్లిస్తారు. క్రీడల్లో ప్రతిభ ఉన్నవారికి ఇది ఒక మంచి అవకాశం.