Coolie Twitter Review: సూపర్ స్టార్ రజినీకాంత్, యువ దర్శకుడు లోకేష్ కనగరాజ్ కాంబినేషన్ లో తెరకెక్కిన భారీ యాక్షన్ థ్రిల్లర్ ‘కూలీ’ చివరికి ప్రేక్షకుల ముందుకు వచ్చింది. ఎంతో ఆసక్తిగా ఎదురుచూస్తున్న ఈ సినిమా ఈ రోజు (ఆగస్టు 14) ప్రపంచవ్యాప్తంగా గ్రాండ్ గా విడుదలైంది. రజినీకాంత్ అభిమానులే కాకుండా, సినీ ప్రియులందరూ ఈ సినిమాను చూసేందుకు థియేటర్ల వద్ద బారులు తీరారు. ఇప్పటికే ఓవర్సీస్ లో కొన్ని ప్రాంతాలలో ప్రీమియర్స్ మొదలయ్యాయి.
అభిమానులను ఆకట్టుకున్న రజినీ ఇంట్రో
సోషల్ మీడియాలో ‘కూలీ’ సినిమా గురించి వస్తున్న స్పందన చాలా పాజిటివ్ గా ఉంది. లోకేష్ కనగరాజ్, రజినీకాంత్ మీద తనకున్న అభిమానాన్ని సినిమా టైటిల్ కార్డులోనే చూపించాడని ప్రేక్షకులు చెబుతున్నారు. రజినీకాంత్ 50 ఏళ్ల సినీ ప్రయాణాన్ని గుర్తుచేసేలా టైటిల్ కార్డ్ డిజైన్ చేశారని ప్రశంసించారు. రజినీకాంత్ ఎంట్రీ సన్నివేశాలు అద్భుతంగా ఉన్నాయని, ఆయన పర్ఫార్మెన్స్ ప్రేక్షకులను ఆకట్టుకుందని అంటున్నారు.
విలన్ గా నాగార్జున, ఇతర స్టార్ల ప్రదర్శన
ఈ సినిమాలో నాగార్జున విలన్ గా నటించి ఆశ్చర్యపరిచారు. రజినీకాంత్, నాగార్జున మధ్య వచ్చే సన్నివేశాలు, పోటాపోటీ నటన సినిమాకు ప్రత్యేక ఆకర్షణగా నిలిచాయి. ఉపేంద్ర, అమీర్ ఖాన్, సత్యరాజ్, శ్రుతి హాసన్ వంటి ఇతర ప్రముఖ నటుల పాత్రలు కూడా ప్రేక్షకులను అలరించాయి. కథలో రెండు సర్ప్రైజ్ క్యామియోలు కూడా ఉన్నాయని తెలుస్తోంది.
కథ సాధారణంగా ఉన్నప్పటికీ, లోకేష్ తన స్క్రీన్ ప్లేతో మ్యాజిక్ చేశాడని ప్రేక్షకులు చెబుతున్నారు. సినిమాలోని యాక్షన్ సీన్స్, మోనికా సాంగ్ విజువల్స్ అందరినీ ఆకట్టుకున్నాయి. అనిరుద్ అందించిన బ్యాక్ గ్రౌండ్ మ్యూజిక్ సినిమా స్థాయిని అమాంతం పెంచిందని, అదిరిపోయిందని అభిమానులు అంటున్నారు. మొత్తానికి, ‘కూలీ’ సినిమా థియేట్రికల్ అనుభవాన్ని అందించే ఒక మంచి యాక్షన్ మూవీ అని ప్రేక్షకులు స్పష్టం చేస్తున్నారు.
#CoolieReview 🌟
A MASS Tsunami from start to finish! 💥
🎬 Electrifying screenplay
🔥 Thalaivar in never-before-seen swag
🎶 Anirudh’s BGM = Goosebumps overload
💯 Pure celebration in theatres!⭐ Rating: 4.5/5 A festival called Coolie! 🎉 #Coolie pic.twitter.com/lkSoACrZkd
— Editor Shiva (@AvidShiva) August 13, 2025
#Coolie 🏆🏆🏆🏆💥💥💥💥🧨🧨🧨
First Ever Review – 4.75 / 5 🏆✅ pic.twitter.com/lrIi6SJcMg
— Lets OTT x CINEMA (@LetsOTTxCinema) August 13, 2025