Isha Talwar: బాలీవుడ్ నటి ఇషా తల్వార్ తన కెరీర్ ఆరంభంలో ఎదుర్కొన్న ఓ వింత అనుభవాన్ని బయటపెట్టారు. ఓ ప్రముఖ నిర్మాణ సంస్థ ఆడిషన్‌లో ఆమెకు సవాల్ విసిరిన క్యాస్టింగ్ డైరెక్టర్.. ఏకంగా రెస్టారెంట్‌లో ఏడవమని చెప్పారట! ఈ ఆడిషన్ అనుభవం ఆమెను ఎలా ఆశ్చర్యపరిచింది? ఇషా ఏం చేశారు? ఆ సినిమాలో అవకాశం ఎందుకు దక్కలేదు? కొత్తగా ఇండస్ట్రీలోకి వచ్చే వారికి ఆమె ఏ సందేశం ఇచ్చారు?
Also Read: K-Ramp: కేరళ కుట్టి.. బ్యానర్ కట్టి.. కె-ర్యాంప్ ఓనమ్ సాంగ్
ఇషా తల్వార్ తన విచిత్రమైన ఆడిషన్ గురించి వెల్లడించారు. యష్ రాజ్ ఫిల్మ్స్ క్యాస్టింగ్ డైరెక్టర్ షనూ శర్మ ఆమెను ఓ రెస్టారెంట్‌కు తీసుకెళ్లి, అందరి మధ్య గట్టిగా ఏడవాలని చెప్పారట. ఈ ఆడిషన్ డిమాండ్ ఇషాను గందరగోళానికి గురిచేసింది. రెస్టారెంట్‌లో అందరూ తినేస్తూ, మాట్లాడుకుంటుండగా, ఆమె ఏడవడం సాధ్యం కాలేదని, ధైర్యం సరిపోలేదని చెప్పారు. ఈ అనుభవం తనకు అర్థంకాని విధంగా ఉందని, అలాంటి ఆడిషన్‌లో పాల్గొనలేకపోయానని తెలిపారు. ఫలితంగా ఆ సినిమాలో అవకాశం కోల్పోయిన ఇషా, కొత్త నటీనటులకు ఇలాంటి అనుభవాల గురించి అవగాహన కల్పించేందుకు ఈ విషయాన్ని పంచుకున్నారు.