GSLV F16 Nisar: భారత అంతరిక్ష పరిశోధన సంస్థ (ఇస్రో) మరో అద్భుత ప్రయోగాన్ని విజయవంతం చేసింది. శ్రీహరికోటలోని సతీశ్ ధావన్ స్పేస్ సెంటర్ (షార్) నుంచి GSLV-F16 రాకెట్ నిసార్ (NISAR) ఉపగ్రహంతో విజయవంతంగా నింగిలోకి దూసుకెళ్లింది. షార్లోని రెండో ప్రయోగ వేదిక నుంచి ఈ ప్రయోగం జరగడం విశేషం.
నిసార్ ఉపగ్రహం కక్ష్యలోకి
GSLV-F16 రాకెట్ ప్రయోగించిన సరిగ్గా 18.59 నిమిషాల తర్వాత, 2,392 కిలోల బరువున్న నిసార్ ఉపగ్రహాన్ని సూర్య అనువర్తిత కక్ష్యలోకి విజయవంతంగా చేర్చింది. భూమికి 747 కిలోమీటర్ల ఎత్తులో ఈ ఉపగ్రహం రాకెట్ నుంచి విడిపోయింది.
నిసార్ ఉపగ్రహం అనేది ఇస్రో (భారతదేశం) మరియు నాసా (అమెరికా) కలిసి చేపట్టిన ఒక కీలకమైన ప్రాజెక్ట్. భూమిపై జరిగే పర్యావరణ మార్పులు, సహజ విపత్తులను అధ్యయనం చేయడానికి ఈ ఉపగ్రహం ఉపయోగపడుతుంది. ఈ విజయవంతమైన ప్రయోగం ఇస్రో సామర్థ్యాన్ని మరోసారి ప్రపంచానికి చాటి చెప్పింది.