Superman: ప్రపంచవ్యాప్తంగా సూపర్‌మ్యాన్ క్రేజ్ గురించి చెప్పనక్కర్లేదు. సినిమాలతో పాటు కామిక్స్‌లోనూ ఈ సూపర్ హీరోకు భారీ ఫాలోయింగ్ ఉంది. డిస్నీ కామిక్స్‌లో సూపర్‌మ్యాన్ బ్రాండ్‌ను మరింత ఉన్నత స్థానంలో నిలిపిన ఘనత ఈ పాత్రదే. ఇప్పుడు ఈ సూపర్‌మ్యాన్ యూనివర్స్‌లోకి టాలీవుడ్ నటుడు, నిర్మాత రానా దగ్గుబాటి ఎంట్రీ ఇస్తున్నాడు. డిస్నీ కామిక్స్‌లో భాగమైన ‘టు బి ఏ హీరో’ అనే కొత్త కథకు రానా కథనం అందిస్తున్నాడు. ప్రముఖ కామిక్ ఆర్టిస్ట్ సిడ్ కొటియాన్‌తో కలిసి రానా ఈ ప్రాజెక్ట్‌లో పనిచేస్తున్నాడు.
Also Read: Vishwambhara: ఫాంటసీ అడ్వెంచర్‌లో మరో సంచలనం కానున్న మెగాస్టార్ విశ్వంభర!
ఈ కథలో సూపర్‌మ్యాన్ ఒక మిషన్ కోసం భారత్‌కు వస్తాడు. ఇక్కడ ఓ అమ్మాయి చరిత్రను అన్వేషిస్తుండగా, ఓ యువకుడి సాయం కోసం రావడంతో కథ ఆసక్తికర మలుపు తిరుగుతుంది. పురాతన ఆలయం, దాని విగ్రహాలను రక్షించే బాధ్యత సూపర్‌మ్యాన్‌పై పడుతుంది. రానా రాసిన ఈ కథ భారతీయ సంస్కృతిని ప్రతిబింబిస్తూ సూపర్‌మ్యాన్ హీరోయిజాన్ని మరోస్థాయికి తీసుకెళ్తుందని అంచనా. కామిక్స్‌పై రానాకు ఉన్న మక్కువ గురించి ఆయన గతంలోనూ చెప్పుకొచ్చారు.