Stock Market: ఆసియా ఖండంలో భారత స్టాక్ మార్కెట్ ప్రాధాన్యం తగ్గిపోయింది. బ్యాంక్ ఆఫ్ అమెరికా (BofA) తాజా నివేదిక ప్రకారం, ఆసియా పసిఫిక్‌లో పెట్టుబడిదారుల ప్రాధాన్యతలో భారత్ నాల్గవ స్థానానికి పడిపోయింది.
గతంలో భారతదేశం పెట్టుబడిదారుల మొదటి ఎంపికగా ఉండేది. కానీ ఇప్పుడు జపాన్ మొదటి స్థానంలో ఉంది. తైవాన్, దక్షిణ కొరియా రెండో, మూడో స్థానాల్లో ఉండగా, భారత్ నాలుగో స్థానంలోకి జారిపోయింది. చైనా ఐదవ స్థానంలో ఉంది.
పెట్టుబడులు ఎందుకు తగ్గాయి?
నివేదిక ప్రకారం, ప్రస్తుతం కేవలం 10% ఫండ్ మేనేజర్లు మాత్రమే భారతదేశంలో ఎక్కువ పెట్టుబడులు పెడుతున్నారు. జపాన్లో 32%, తైవాన్‌లో 19%, దక్షిణ కొరియాలో 16% పెట్టుబడులు పెరుగుతున్నాయి.గత రెండు నెలలుగా నిఫ్టీ ఒకే స్థాయిలో నిలిచిపోవడం, ఐటీ రంగం బలహీనంగా ఉండడం పెట్టుబడిదారులను వెనక్కు నెడుతున్నాయి.
జపాన్, తైవాన్, కొరియా ఎందుకు ముందున్నాయి?
జపాన్లో బ్యాంకింగ్ రంగం, సెమీకండక్టర్ పరిశ్రమ బలంగా ఉంది. తైవాన్ మరియు దక్షిణ కొరియా కూడా సెమీకండక్టర్ డిమాండ్ వల్ల లాభపడుతున్నాయి. అయితే, భారత్‌లో ఐటీ రంగం 20 నెలల కనిష్ఠ స్థాయిలో ఉంది.
ఇది కూడా చదవండి: ATM Robbery: జీడిమెట్లలో ఏటీఎం చోరీ కేసును ఛేదించిన పోలీసులు
భారత్ మార్కెట్ మళ్ళీ పుంజుకుంటుందా?
మార్కెట్ నిపుణుల అభిప్రాయం ప్రకారం, అమెరికా-భారత్ వాణిజ్య ఒప్పందంలో టారిఫ్ రేట్లు 20% కంటే తక్కువగా నిర్ణయిస్తే మార్కెట్ మళ్ళీ పుంజుకునే అవకాశం ఉంది. ఐటీ రంగం బలహీనంగా ఉన్నప్పటికీ, రాబోయే త్రైమాసికాల్లో మెరుగైన ఫలితాలు రాగలవని నిపుణులు చెబుతున్నారు. ప్రైవేట్ బ్యాంక్ షేర్లు ఇప్పుడు తక్కువ ధరకే లభిస్తున్నందున వాటిని కొనుగోలు చేయొచ్చని సూచిస్తున్నారు.
పెట్టుబడిదారుల ఆందోళనలు తగ్గడానికి కారణం?
ఆసియా ఫండ్ మేనేజర్లు ఆర్థిక పరిస్థితిపై ఆశాజనకంగా ఉన్నారు. అమెరికా మాజీ అధ్యక్షుడు డొనాల్డ్ ట్రంప్ వాణిజ్య సుంకాలపై పెట్టుబడిదారుల భయాలు తగ్గాయి. సర్వేలో పాల్గొన్న 222 మంది ఫండ్ మేనేజర్లలో 70% మంది ట్రంప్ సుంకాలు ఆసియా మార్కెట్లపై పెద్దగా ప్రభావం చూపవని భావిస్తున్నారు. ఈ సర్వే జూన్ 6 నుండి 12 వరకు నిర్వహించారు.
అమెరికా-భారత్ వాణిజ్య చర్చలు
ప్రధానమంత్రి ఆర్థిక సలహా మండలి చైర్మన్ ఎస్ మహేంద్ర దేవ్ మాట్లాడుతూ, భారతదేశం తన నిబంధనలపై అమెరికాతో వాణిజ్య ఒప్పందం చేసుకోవాలని సూచించారు. అదే సమయంలో, అమెరికా అధ్యక్షుడు ట్రంప్, భారతదేశంతో ప్రతిపాదిత వాణిజ్య ఒప్పందం ఇండోనేషియాతో చేసినట్టే ఉంటుందని తెలిపారు. ప్రస్తుతం ఐదవ రౌండ్ చర్చల కోసం భారత బృందం వాషింగ్టన్‌లో ఉంది.