Sunny Deol: బాలీవుడ్ యాక్షన్ స్టార్ సన్నీ డియోల్ ఇటీవల ‘జాట్’ మూవీతో బాక్సాఫీస్ వద్ద సత్తా చాటారు. టాలీవుడ్ దర్శకుడు గోపీచంద్ మలినేని తెరకెక్కించిన ఈ యాక్షన్ ఎంటర్టైనర్లో సన్నీ తన ట్రేడ్మార్క్ యాక్షన్తో అభిమానులను మెప్పించారు. ఇప్పుడు ఆయన కొత్త ప్రాజెక్ట్తో వార్తల్లో నిలిచారు. 2018 మలయాళ చిత్రం ‘జోసెఫ్’ రీమేక్గా ‘సూర్య’ టైటిల్తో సన్నీ నటిస్తున్నారు.
ఈ చిత్రాన్ని తెలుగులో రాజశేఖర్ ‘శేఖర్’ పేరుతో రీమేక్ చేసినప్పటికీ, అది బాక్సాఫీస్ వద్ద ఘోరంగా విఫలమైంది. దీంతో, సన్నీ డియోల్ ఈ ఔట్డేటెడ్ కథను ఎంచుకోవడంపై అభిమానులు ఆశ్చర్యం వ్యక్తం చేస్తున్నారు. ‘జాట్’ విజయంతో ఊపు మీదున్న సన్నీ, ఈ రీమేక్తో హిట్ కొట్టగలరా అనే సందేహాలు వ్యక్తమవుతున్నాయి. సన్నీ యాక్షన్ మ్యాజిక్, కథకు కొత్త ఒరిజినాలిటీ జోడిస్తే తప్ప, ఈ చిత్రం విజయం సాధించడం కష్టమని విశ్లేషకులు అంటున్నారు. ‘సూర్య’ ఫలితం కోసం అభిమానులు ఆసక్తిగా ఎదురుచూస్తున్నారు!