VIZAG: విశాఖపట్నం జిల్లా భీమునిపట్నం మండలంలో ఉన్న ఓ ప్రైవేట్ ఇంజినీరింగ్ కాలేజీలో షాకింగ్ ఘటన చోటుచేసుకుంది. క్యాంపస్లో ఫోన్ మాట్లాడవద్దని చెప్పిన మహిళా లెక్చరర్పై ఓ విద్యార్థిని చెప్పుతో దాడికి పాల్పడింది. ఈ ఘటన ప్రస్తుతం సోషల్ మీడియాలో వైరల్** అవుతోంది.
సోమవారం జరిగిన ఈ సంఘటనలో, కాలేజీ క్యాంపస్లో ఓ విద్యార్థిని సెల్ఫోన్లో మాట్లాడుతోంది. ఇదే సమయంలో అక్కడ ఉన్న మహిళా లెక్చరర్ ఆ ఫోన్ను తీసుకుంది. దీంతో ఆ విద్యార్థిని తీవ్రంగా ఆగ్రహానికి గురై, “రూ.12 వేల విలువైన నా ఫోన్ను లాక్కుంటావా..?” అంటూ అసభ్య పదజాలంతో దూషించింది. అంతేకాకుండా చెప్పుతో కొట్టి, మరింత ఉద్రిక్తతకు దారితీసింది.
ఈ అనూహ్య ఘటనను చూసిన తొటి విద్యార్థులు మరియు కాలేజీ సిబ్బంది ఆశ్చర్యానికి గురయ్యారు. ప్రస్తుతం ఈ వ్యవహారం పై కాలేజీ యాజమాన్యం విచారణ జరుపుతోంది.
విద్యాసంస్థలలో ఇలా జరిగిన ఘటనలు విద్యార్థుల ఆచరణపై పెద్ద ఎత్తున చర్చకు దారి తీస్తున్నాయి.