Health Tips: రుతువులను బట్టి మార్కెట్లో వివిధ రకాల పండ్లు కనిపిస్తాయి. సాధారణంగా పండ్లు శరీరానికి అవసరమైన విటమిన్లు ఎ, బి, సి, ఇ, కాల్షియం, ఐరన్ నుండి పొటాషియం వరకు అనేక రకాల పోషకాలను అందిస్తాయి. సీజన్‌లో లభించే చాలా పండ్లు వాటి స్వంత ఆరోగ్య ప్రయోజనాలను కలిగి ఉంటాయి. అందువల్ల అవి అందించే పోషకాలు శరీరానికి చాలా ముఖ్యమైనవి. కానీ కొంతమంది తెలిసి లేదా తెలియక పండ్లు తిన్న తర్వాత నీరు తాగుతారు. ఈ రకమైన పద్ధతి ఆరోగ్యానికి మంచిది కాదని నిపుణులు చెబుతున్నారు. దీనివల్ల వివిధ రకాల సమస్యలు వస్తాయట. కాబట్టి పండ్లు తిన్న వెంటనే నీరు త్రాగడం వల్ల ఎలాంటి సమస్యలు వస్తాయో ఇప్పుడు తెలుసుకుందాం..
జీర్ణ సమస్యలు
పండ్లు తిన్న వెంటనే నీరు త్రాగడం వల్ల జీర్ణక్రియ మందగిస్తుంది. దీనివల్ల అజీర్ణం, ఆమ్లత్వం, ఉబ్బరం వంటి సమస్యలు వస్తాయి. ఫలితంగా, శరీరం పండ్ల నుండి పోషకాలను సరిగ్గా గ్రహించలేకపోతుంది. పూర్తి ప్రయోజనాలు అందవు. పండ్లు, ముఖ్యంగా పుల్లని పండ్లు తిన్న వెంటనే నీరు త్రాగడం వల్ల జీర్ణక్రియకు అంతరాయం కలుగుతుంది.
Also Read: Chia Seeds With Honey: చియా సీడ్స్ వాటర్‌లో ఈ ఒక్కటి కలిపి తాగితే.. వెయిట్ లాస్
pH స్థాయిలలో మార్పులు
పండ్లు తిన్న వెంటనే నీరు త్రాగడం వల్ల శరీరంలో నీటి పరిమాణం పెరుగుతుంది. దీనివల్ల శరీరం యొక్క pH స్థాయి తగ్గుతుంది. కొన్ని పండ్లలో నీటి శాతం ఎక్కువగా ఉంటుంది. కాబట్టి పండ్లు తిన్న వెంటనే నీరు త్రాగడం వల్ల నీటి శాతం పెరుగుతుంది. కొంతమందిలో వాంతులు వస్తాయి.
రక్తంలో చక్కెర స్థాయిలు
పండ్లు తిన్న వెంటనే నీరు త్రాగడం వల్ల జీర్ణక్రియ మందగిస్తుంది. అదనంగా శరీరంలో గ్లూకోజ్ స్థాయిలు పెరుగుతాయి. ఇది మధుమేహానికి దారితీస్తుంది. కాబట్టి మధుమేహ వ్యాధిగ్రస్తులు పండ్లు తిన్న వెంటనే నీరు త్రాగకూడదని గుర్తుంచుకోవాలి.
జలుబు, దగ్గు సమస్యలు
పండ్లు తిన్న వెంటనే నీరు త్రాగడం వల్ల శరీరంలో కఫం పెరుగుతుంది. దీనివల్ల దగ్గు, జలుబు, గొంతు నొప్పి వస్తుంది. పండ్లు తిన్న తర్వాత నీళ్లు తాగడం వల్ల దగ్గు వస్తుందని పెద్దలు చెప్పడం మీరు తరచుగా విని ఉండవచ్చు. ఈ పండ్లను భోజనానికి అరగంట ముందు లేదా తర్వాత తినాలి. కానీ వాటిని తిన్న తర్వాత మీరు నీరు మాత్రమే తాగకూడదు.