Police Fire: మామూలు పోలీసు అనుకున్నావా.. లేడీ సింగం ఇక్కడ అని సినిమా టైపులో డైలాగులు చెప్పలేదు కానీ, ఆ రేంజిలో ఇచ్చి పారేసింది ఒక లేడీ ఎస్సై. ఒక హత్యాయత్నం కేసులో ముద్దాయిగా ఉన్న రౌడీని అదుపులోకి తీసుకోవడానికి ప్రయత్నించిన మహిళా ఎస్సైపై దాడికి ప్రయత్నించాడు. అయితే, ఆ మహిళా ఎస్సై సింగంలా విరుచుకు పడింది. తుపాకీతో రౌడీని కాల్చేసింది.
Police Fire: కర్ణాటకలోని శివమొగ్గ భద్రావతిలోని పాత పేపర్ టౌన్ ప్రాంతంలో సిద్ధిక్ అనే రౌడీ ఉంటున్నాడు. కొన్ని రోజుల క్రితం, సిద్ధిక్ను గ్యాంగ్ వార్ లో మరో రౌడీ షాహిద్ ఖురేషి (27) కత్తితో నరికి చంపాడు. హత్యాయత్నం కేసు నమోదు చేసిన పోలీసులు ఖురేషి కోసం వెతుకుతున్నారు. పట్టణంలోని మారుమూల ప్రాంతంలోని ఒక ఇంట్లో తలదాచుకున్న షాహిద్ ఖురేషిని సోమవారం ఉదయం 6:00 గంటలకు ఓల్డ్ పేపర్ టౌన్ పోలీసులు చుట్టుముట్టారు.
Police Fire: అయితే, షాహిద్ ఖురేషి పోలీసు అధికారి నాగరాజ్ పై దాడి చేశాడు. దీంతో షాక్ కు గురైన ఎస్ఐ నాగమ్మ తన తుపాకీతో గాల్లోకి ఒక రౌండ్ కాల్పులు జరిపి వారిని లొంగిపోవాలని హెచ్చరించింది. కానీ, అతను వినలేదు. దీంతో నాగమ్మ అతని ఎడమ కాలుపై కాల్చింది. తుపాకీ దెబ్బకు కుప్పకూలిన ఖురేషీని పోలీసులు అదుపులోకి తీసుకుని చికిత్స కోసం ఆసుపత్రికి తీసుకెళ్లారు. అదేవిధంగా రౌడీ దాడిలో గాయపడిన పోలీసు నాగరాజ్ కు కూడా ఆసుపత్రిలో చేర్చి చికిత్స అందించారు. రౌడీ దాడి చేస్తున్న సమయంలో ధైర్యంగా వ్యవహరించడమే కాకుండా.. చట్టప్రకారం వ్యవహరించిన ఎస్సై నాగమ్మ ను అందరూ అభినందిస్తున్నారు.