Socks: చలికాలంలో శరీరానికి వెచ్చదనం అవసరం. వింటర్ లో ప్రజలు ఎక్కువగా శరీరం నుండి పాదాల వరకు వెచ్చని బట్టలు ధరిస్తారు. పాదాలు ఎక్కువగా చల్లబడుతుండటంతో రాత్రి పడుకునేటప్పుడు వెచ్చని బట్టలు ధరిస్తారు. ముఖ్యంగా నిద్రపోయేటప్పుడు చాలా మంది సాక్స్‌లు వేసుకుంటారు. అయితే ఇలా సాక్సులు వేసుకుని పడుకోవడం మంచిదా..? లేక హానికరమా అనేది ఇప్పుడు తెలుసుకుందాం..
శీతాకాలంలో పడుకునే ముందు సాక్స్ ధరించాలా వద్దా అనేది వ్యక్తిగత ఎంపిక. ఇలాంటి అనేక కారణాలపై ఆధారపడి సాక్స్ ధరిస్తారు. కొంత మంది రాత్రిపూట మంచి నిద్ర కోసం సాక్స్ వేసుకుంటారు. ఎందుకంటే మనం నిద్రిస్తే శరీరం చల్లబడుతుంది. అటువంటి పరిస్థితిలో, సాక్స్ ధరించడం ఉపశమనం కలిగిస్తుంది. అయితే చలికాలంలో సాక్స్‌తో నిద్రించడం వల్ల కలిగే కొన్ని లాభాలు, కొన్ని నష్టాలు ఉన్నాయి.. అవేంటో ఇప్పుడు తెలుసుకుందాం..
ప్రయోజనాలు?
చలికాలంలో సాక్స్ వేసుకుని పడుకోవడం వల్ల శరీరం వెచ్చగా ఉంటుంది. పాదాల చర్మం గరుకుగా పొడిగా మారకుండా ఉండడాని దీనిని ధరిస్తారు. దీన్ని వల్ల పాదాల పగుళ్లను కూడా నయం చేసుకోవచ్చు. కానీ వాస్తవానికి సాక్స్‌లతో నిద్రించడం వల్ల ప్రయోజనాల కంటే ఎక్కువ నష్టాలు ఉన్నాయి.
చంచలత్వం
చలికాలంలో రాత్రిపూట సాక్స్‌లతో నిద్రించడం వల్ల రక్తనాళాలు కుంచించుకుపోతాయి. కాబట్టి అలాంటి సందర్భాల్లో ఉన్ని సాక్స్ లేదా చాలా వేడి బట్టలు ధరించి నిద్రించడం మంచిది కాదు. శరీరంలో విపరీతమైన వేడి పెరగడం వల్ల విశ్రాంతి లేకపోవడం, ఆందోళన, రక్తపోటు తగ్గడం వంటి సమస్యలు వస్తాయి.
శ్వాస ఇబ్బందులు
రాత్రిపూట బిగుతుగా సాక్స్ వేసుకుని నిద్రపోవడం వల్ల నరాలపై ఒత్తిడి పడుతుంది. దీనివల్ల గుండెకు రక్తాన్ని పంప్ చేయడానికి కష్టమవుతుంది. శ్వాస పీల్చుకోవడం కూడా కష్టమవుతుంది.
ఇన్ఫెక్షన్స్
రోజంతా సాక్స్ వేసుకుని రాత్రి పడుకుంటే చర్మ సంబంధిత ఇన్ఫెక్షన్ వచ్చే ప్రమాదం ఉంది. ఇది ఇతర చర్మ సంబంధిత సమస్యలకు కూడా దారితీయవచ్చు.
రక్త ప్రసరణ
రాత్రిపూట సాక్స్‌తో పడుకోవడం వల్ల శరీరానికి రక్త ప్రసరణ తగ్గే ప్రమాదం ఉంది. చాలా బిగుతుగా ఉండే సాక్స్ ధరించడం వల్ల రక్త ప్రసరణ దెబ్బతింటుంది. కాబట్టి సాక్స్ ధరించకుండా పడుకోవడమే బెటర్.