TVK Minister: తమిళనాడు రాజకీయాల్లో అనూహ్య పరిణామం చోటు చేసుకుంది! ముఖ్యమంత్రి విజయ్ (TVK) కేబినెట్లో కీలక మంత్రిగా, పార్టీలో నంబర్-2గా వ్యవహరిస్తున్న ఆధవ్ అర్జున (Aadhav Arjuna), ఆయన సతీమణి డైసీ మార్టిన్ (Daisy Martin) తమ 14 ఏళ్ల వైవాహిక బంధానికి ముగింపు పలికారు. పరస్పర అంగీకారంతోనే తాము విడిపోవాలని నిర్ణయించుకున్నట్లు డైసీ మార్టిన్ సోమవారం తన ఇన్స్టాగ్రామ్ ఖాతా ద్వారా అధికారికంగా ప్రకటించారు. తమిళనాడులో అత్యంత ప్రభావవంతమైన రాజకీయ, వ్యాపార కుటుంబాలకు చెందిన వీరిద్దరి విడాకుల వార్త ఇప్పుడు కోలీవుడ్, తమిళ రాజకీయ వర్గాల్లో హాట్ టాపిక్గా మారింది!
డైసీ మార్టిన్ ఇన్స్టాగ్రామ్ పోస్ట్ – “పిల్లల సంతోషమే మాకు ముఖ్యం!”
2012 నవంబర్లో వివాహ బంధంతో ఒక్కటైన ఆధవ్ అర్జున – డైసీ మార్టిన్ 14 ఏళ్ల తర్వాత వేర్వేరు దారుల్లో పయనించాలని నిర్ణయించుకున్నారు. ఈ విషయంపై డైసీ మార్టిన్ భావోద్వేగంగా స్పందించారు.
-
14 ఏళ్ల ప్రయాణం: “గత 14 ఏళ్లుగా స్నేహితులుగా, జీవిత భాగస్వాములుగా, తల్లిదండ్రులుగా ఎంతో ప్రేమ, అవగాహన, ఎత్తుపల్లాలతో కూడిన ప్రయాణాన్ని కలిసి సాగించాం. ఈ రోజు ఆధవ్ అర్జున, నేను పరస్పర అంగీకారంతోనే భార్యాభర్తలుగా విడిపోయి, వేర్వేరు దారుల్లో వెళ్లాలని నిర్ణయించుకున్నాం” అని డైసీ తెలిపారు.
-
ఎవరి ప్రమేయం లేదు: ఈ నిర్ణయం వెనుక ఎవరి ప్రమేయం లేదని, తమ పిల్లల భవిష్యత్తు, సంక్షేమం, సంతోషమే తమకు అత్యంత ప్రాధాన్యత అని ఆమె స్పష్టం చేశారు. విడిపోయినప్పటికీ తల్లిదండ్రులుగా తమ బాధ్యతలను (Co-parenting) కలిసి నిర్వర్తిస్తామని చెప్పారు.
-
గౌరవం ఎప్పటికీ తగ్గదు: ఆధవ్ అర్జున పట్ల తనకు ఎప్పటికీ గౌరవం ఉంటుందని, ఆయన ఎంచుకునే ప్రతి మార్గంలో విజయం, మనశ్శాంతి లభించాలని కోరుకుంటున్నానని డైసీ పేర్కొన్నారు. ఈ క్లిష్ట సమయంలో తమ కుటుంబానికి ప్రైవసీ ఇవ్వాలని అభిమానులు, మీడియాను కోరారు.
ఎవరీ ఆధవ్ అర్జున & డైసీ మార్టిన్? – కుటుంబంలో రాజకీయ వైరుధ్యాలు!
-
సీఎం విజయ్ కుడిభుజం: ఆధవ్ అర్జున ప్రస్తుతం తమిళనాడులో అధికారంలో ఉన్న టీవీకే (TVK) ప్రభుత్వంలో పబ్లిక్ వర్క్స్, క్రీడాభివృద్ధి శాఖ మంత్రిగా ఉన్నారు. ఈ ఏడాది మే నెలలో జరిగిన అసెంబ్లీ ఎన్నికల్లో విల్లివాక్కం నియోజకవర్గం నుంచి ఎమ్మెల్యేగా గెలిచారు.
-
లాటరీ కింగ్ కుమార్తె డైసీ మార్టిన్: ప్రముఖ వ్యాపారవేత్త శాంటియాగో మార్టిన్ కుమార్తె అయిన డైసీ మార్టిన్, ప్రస్తుతం ‘ఎరైజ్ ఇన్వెస్ట్మెంట్స్ అండ్ క్యాపిటల్’ (Arise Investments) సంస్థకు మేనేజింగ్ డైరెక్టర్గా వ్యవహరిస్తూ మహిళా సాధికారత కోసం పనిచేస్తున్నారు.
-
ఒకే ఇంట్లో రెండు పార్టీల రాజకీయాలు! వీరి విడాకులకు వ్యక్తిగత కారణాలే అని చెబుతున్నప్పటికీ, కొంతకాలంగా మార్టిన్ కుటుంబంలో నెలకొన్న రాజకీయ వైరుధ్యాలు కూడా చర్చనీయాంశమయ్యాయి. ఆధవ్ అర్జున అధికార టీవీకే పార్టీలో మంత్రిగా ఉండగా.. ఆయన అత్తగారు (డైసీ తల్లి) లీమా రోజ్ మార్టిన్ ప్రతిపక్ష ఏఐఏడీఎంకే (AIADMK) ఎమ్మెల్యేగా ఉన్నారు. అంతేకాకుండా ఈ ఏడాది మే నెలలో డైసీ సోదరుడు జోస్ చార్లెస్ మార్టిన్, ఆధవ్ అర్జునపై బహిరంగంగా విమర్శలు చేయడం కూడా పెద్ద వివాదానికి దారితీసింది.
