Obesity: మనలో చాలామందికి ఒక అలవాటు ఉంటుంది.. వెయిట్ మెషీన్ మీద నిలబడగానే బరువు నార్మల్‌గా కనిపిస్తే “హమ్మయ్య, నాకు ఎలాంటి ప్రాబ్లమ్ లేదు, నేను ఫుల్ ఫిట్!” అని ఫిక్స్ అయిపోతాం. డాక్టర్లు కూడా ఇప్పటివరకు ఎత్తు, బరువు ఆధారంగా లెక్కించే BMI (Body Mass Index) చూసి మనం ఆరోగ్యంగా ఉన్నామో లేదో చెప్పేవారు.
కానీ బయటకు సన్నగా, నార్మల్‌గా కనిపించే వాళ్లలో కూడా లోపల (ముఖ్యంగా పొట్ట చుట్టూ) విపరీతమైన కొవ్వు పేరుకుపోయి సైలెంట్‌గా హార్ట్ ఎటాక్, డయాబెటిస్‌కు దారితీస్తోందని తాజా పరిశోధనల్లో తేలింది! అందుకే కేవలం బరువును మాత్రమే చూసే పాత పద్ధతికి చెక్ పెడుతూ.. సైంటిస్టులు ఊబకాయాన్ని (Obesity) గుర్తించడానికి ‘CAD-Obesity’ అనే సరికొత్త పద్ధతిని తీసుకొచ్చారు. అసలేంటీ కొత్త రూల్? ఇది మన ఆరోగ్యాన్ని ఎలా కాపాడుతుందో సింపుల్‌గా తెలుసుకుందాం!
పాత పద్ధతి BMI ఎందుకు సరిపోవడం లేదు?
ఇప్పటివరకు వ్యక్తి బరువు (కిలోలలో), ఎత్తు (మీటర్లలో) ఆధారంగా BMI లెక్కించేవారు. ఇది 18.5 నుంచి 24.9 మధ్య ఉంటే నార్మల్ అని, 30 దాటితే ఊబకాయం అని చెప్పేవారు. కానీ ఇందులో రెండు పెద్ద లోపాలు ఉన్నాయి.
-
కండరాలకు, కొవ్వుకు తేడా తెలియదు: రోజూ జిమ్‌కు వెళ్లి కసరత్తులు చేసేవారికి కండరాలు (Muscles) బలంగా ఉండి బరువు ఎక్కువగా ఉంటారు. అలాంటి వారిని కూడా BMI లెక్కల ప్రకారం ‘లావు’ అని చూపిస్తుంది.
-
దాగి ఉన్న కొవ్వు (Hidden Fat) బయటపడదు: కొందరు చూడటానికి సన్నగా ఉన్నా, వారి పొట్ట చుట్టూ, కాలేయం వంటి అంతర్గత అవయవాల వద్ద విపరీతమైన కొవ్వు (Visceral Fat) పేరుకుపోయి ఉంటుంది. BMI దీన్ని గుర్తించలేదు.
కొత్త ఫార్ములా ‘CAD-Obesity’ అంటే ఏంటి? దీనివల్ల లాభాలేంటి?
చైనా, స్పెయిన్, బ్రిటన్, అమెరికా దేశాలకు చెందిన 8 లక్షల మందికి పైగా ప్రజల 15 ఏళ్ల ఆరోగ్య రికార్డులను విశ్లేషించిన శాస్త్రవేత్తలు CAD-Obesity (Combined Anthropometric Definition of Obesity) అనే కొత్త విధానాన్ని ప్రతిపాదించారు. ఇందులో కేవలం బరువునే కాకుండా నడుము చుట్టుకొలత (Waist Circumference), శరీరంలో కొవ్వు శాతం, అవయవాల పనితీరును కూడా లెక్కలోకి తీసుకుంటారు.
ఈ కొత్త విధానంలో ఊబకాయాన్ని రెండు రకాలుగా విభజించారు..
-
క్లినికల్ ఒబేసిటీ (Clinical Obesity): శరీరంలో పేరుకుపోయిన అదనపు కొవ్వు వల్ల ఇప్పటికే గుండె, కాలేయం వంటి అవయవాల పనితీరు దెబ్బతినడం మొదలైన దశ ఇది. దీనివల్ల హార్ట్ ఫెయిల్యూర్, నిద్రలో శ్వాస ఆగిపోయే ‘స్లీప్ అప్నియా’ (Sleep Apnea), షుగర్ వంటి సమస్యలు వస్తాయి. వీరికి తక్షణమే వైద్య చికిత్స అవసరం.
-
ప్రీ-క్లినికల్ ఒబేసిటీ (Preclinical Obesity): ఈ దశలో శరీరంలో కొవ్వు ఎక్కువగానే ఉంటుంది కానీ, ఇంకా అవయవాలకు పెద్దగా నష్టం జరగదు. అయితే భవిష్యత్తులో జబ్బులు వచ్చే ప్రమాదం పొంచి ఉంటుంది కాబట్టి.. డైట్, వ్యాయామంతో దీన్ని ముందే కంట్రోల్ చేసుకోవచ్చు.
ఈ మార్పు వల్ల సామాన్యులకు కలిగే 4 ప్రధాన ప్రయోజనాలు..
-
సైలెంట్ కిల్లర్ కొవ్వు దొరికిపోతుంది: బయటకు సన్నగా కనిపించినా, పొట్ట చుట్టూ కొవ్వు ఉన్నవారిని నడుము కొలత ద్వారా ముందే గుర్తించి హార్ట్ ఎటాక్, టైప్-2 డయాబెటిస్ రాకుండా కాపాడవచ్చు.
-
జిమ్ చేసేవారికి టెన్షన్ తప్పుతుంది: కండరాల బరువుకు, చెడు కొవ్వుకు మధ్య తేడా స్పష్టంగా తెలుస్తుంది కాబట్టి అనవసరపు ఆందోళన ఉండదు.
-
సరైన సమయంలో అలర్ట్: వ్యాధులు ముదిరిన తర్వాత కాకుండా, ‘ప్రీ-క్లినికల్’ దశలోనే మేల్కొని జీవనశైలి మార్చుకునే అవకాశం దొరుకుతుంది.
-
వ్యక్తిగత చికిత్స (Personalized Treatment): అందరికీ ఒకే రకమైన మందులు కాకుండా, ఎవరి శరీర తత్వాన్ని బట్టి వారికి అవసరమైన ట్రీట్‌మెంట్ ఇవ్వడానికి డాక్టర్లకు ఇది ఎంతో ఉపయోగపడుతుంది.