Tollywood: సాధారణంగా టాలీవుడ్‌లో నవంబర్ నెలను ‘డ్రై సీజన్’ అంటారు. సంక్రాంతి, సమ్మర్, దసరా లాంటి పండగ సీజన్లలో ఉన్నంత హడావుడి, పెద్ద పండగ సెలవులు ఈ నెలలో ఉండవు కాబట్టి.. పెద్ద హీరోలంతా తమ సినిమాలను విడుదల చేయడానికి కాస్త వెనకాడుతుంటారు. అందుకే నవంబర్‌లో బాక్సాఫీస్ వద్ద పెద్దగా సందడి కనిపించదు. థియేటర్లు ఖాళీగా దొరుకుతాయి కాబట్టి చిన్న, మీడియం బడ్జెట్ సినిమాలు ఈ సమయాన్ని క్యాష్ చేసుకోవడానికి ట్రై చేస్తుంటాయి.
కానీ ఈ నవంబర్ సీన్ మొత్తం రివర్స్ అయింది! గతంలో ఎన్నడూ చూడని విధంగా ఏకంగా 10 సినిమాలు ఒకే ఒక్క వీకెండ్‌లో (నవంబర్ 12, 13 తేదీల్లో) థియేటర్లలో దిగిపోతున్నాయి. దీంతో బాక్సాఫీస్ దగ్గర ఊహించని ట్రాఫిక్ జామ్ ఏర్పడబోతోంది.
బరిలో నిలిచిన 10 సినిమాలు ఇవే!
నవంబర్ 12, 13 తేదీల్లో ప్రేక్షకుల ముందుకు రావడానికి సిద్ధమైన చిత్రాల లిస్ట్ చూస్తే మైండ్ బ్లాంక్ అవ్వాల్సిందే:
-
మౌళి ప్రధాన పాత్రలో నటిస్తున్న ‘దొంగ నా కొడుకు’
-
‘ఇట్లు అర్జున’
-
‘డార్క్ చాక్లెట్’
-
‘రోమియో జూలియట్’
-
శర్వానంద్ నటిస్తున్న మోస్ట్ అవేటెడ్ మూవీ ‘భోగి’
-
సుధీర్ బాబు నటిస్తున్న ‘GOAT’
-
‘ఆహ్’
-
‘టాల్కమ్ పౌడర్’
-
‘చంద్రయాన్’
-
‘మాయ లేడీ’
ఈ 10 కొత్త సినిమాలతో పాటు క్లాసిక్ లవ్ స్టోరీ ‘గీతాంజలి’ కూడా సరిగ్గా ఇదే టైమ్‌లో రీ-రిలీజ్ కానుండటం సినీ లవర్స్‌కు మరో స్పెషల్ అట్రాక్షన్!
రేసులో ముందున్నది ఎవరు? గట్టి పోటీ ఎవరి మధ్య?
ఇన్ని సినిమాలు వస్తున్నా, ఆడియన్స్‌లో ప్రధానంగా బజ్ క్రియేట్ చేస్తున్నవి శర్వానంద్ ‘భోగి’, సుధీర్ బాబు ‘GOAT’, మౌళి ‘దొంగ నా కొడుకు’, మరియు ‘ఇట్లు అర్జున’.
వీటన్నింటిలో ప్రస్తుతం శర్వానంద్ ‘భోగి’ సినిమా స్పష్టమైన ఆధిక్యంలో కనిపిస్తోంది. ఇప్పటికే రిలీజైన రెండు పాటలు, టీజర్‌కు యూట్యూబ్‌లో అదిరిపోయే రెస్పాన్స్ వచ్చింది. తన కెరీర్‌లో ఎప్పుడూ లేని విధంగా శర్వానంద్ ఒక రఫ్ అండ్ టఫ్ రూరల్ క్యారెక్టర్‌లో కనిపించనుండటంతో ఆడియన్స్‌లో భారీ అంచనాలు ఏర్పడ్డాయి. మిగతా సినిమాలు ఇంకా పూర్తిస్థాయి ప్రమోషన్లు మొదలుపెట్టాల్సి ఉంది.
చిన్న సినిమాలకు ప్లస్సా.. మైనస్సా?
కేవలం రెండు రోజుల గ్యాప్‌లో 10 సినిమాలు రావడం వల్ల థియేటర్ల కేటాయింపు, ప్రేక్షకుల దృష్టిని ఆకర్షించడం పెద్ద సవాలుగా మారనుంది. అయితే, ‘భోగి’ మినహా మరే ఇతర భారీ బడ్జెట్ స్టార్ హీరోల చిత్రాలు బరిలో లేకపోవడం ఈ చిన్న చిత్రాలకు ఒక రకంగా మంచి అవకాశమే. కంటెంట్ కాస్త బాగుండి, పాజిటివ్ మౌత్ టాక్ వస్తే చాలు.. యూత్ థియేటర్లకు క్యూ కట్టడం ఖాయం. కానీ థియేటర్లలో నిలబడాలంటే మాత్రం మేకర్స్ ప్రమోషన్లను నెక్స్ట్ లెవెల్‌లో ప్లాన్ చేయాల్సి ఉంటుంది.
సాధారణంగా డల్ గా ఉండే నవంబర్ బాక్సాఫీస్ వద్ద ఈసారి ఫుల్ రచ్చ జరగబోతోంది. మరి ఈ 10 సినిమాల రద్దీలో ఏ చిత్రం సూపర్ హిట్‌గా నిలుస్తుందో, వేటికి థియేటర్లు దొరకక కష్టాలు తప్పవో చూడాలి!