AP Local Body Elections: ఆంధ్రప్రదేశ్‌లో మున్సిపల్, కార్పొరేషన్ ఎన్నికల సమరానికి అధికార ఎన్డీయే కూటమి (టీడీపీ – జనసేన – బీజేపీ) పూర్తిస్థాయిలో రెడీ అయిపోయింది. గత నాలుగు రోజులుగా సీఎం నారా చంద్రబాబు నాయుడు, డిప్యూటీ సీఎం పవన్ కల్యాణ్, బీజేపీ రాష్ట్ర అగ్ర నాయకత్వం మధ్య మారథాన్ మీటింగులు, డీటెయిల్డ్ రివ్యూలు నడిచాయి. ఎట్టకేలకు సీట్ల సర్దుబాటు పంచాయితీ పూర్తిగా కొలిక్కి వచ్చింది.
గ్రౌండ్ లెవల్ బలాబలాలు, క్యాస్ట్ ఈక్వేషన్లు, లోకల్ లీడర్ల ఫీడ్‌బ్యాక్‌ను బేస్ చేసుకుని ‘గివ్ అండ్ టేక్’ పాలసీతో మూడు పార్టీలు ఒక కామన్ అండర్‌స్టాండింగ్‌కి వచ్చాయి. రాష్ట్రవ్యాప్తంగా ఉన్న మొత్తం 123 పట్టణ స్థానిక సంస్థల్లో (17 కార్పొరేషన్లు + 106 మున్సిపాలిటీలు/నగర పంచాయతీలు) సీట్ల పంపకాన్ని అఫీషియల్‌గా ఖరారు చేశారు. ఈ పొత్తు లెక్కల ప్రకారం.. తెలుగుదేశం పార్టీ అత్యధికంగా 89 స్థానాలు దక్కించుకోగా, జనసేన పార్టీ 25 స్థానాలు (20.33%), భారతీయ జనతా పార్టీ 9 స్థానాలు (7.32%) కైవసం చేసుకున్నాయి.
కార్పొరేషన్ల లెక్క: 17 మేయర్ పీఠాల పంపకాలు ఇలా..
రాష్ట్రంలోని 17 మున్సిపల్ కార్పొరేషన్లలో మెజారిటీ స్థానాలను టీడీపీ తీసుకోగా, అత్యంత కీలకమైన రాజధాని నగరాలు, మేజర్ సిటీలను జనసేన, బీజేపీలు సొంతం చేసుకున్నాయి.
తెలుగుదేశం పార్టీ (11 కార్పొరేషన్లు)..
గ్రేటర్ విశాఖపట్నం (GVMC), విజయనగరం, మచిలీపట్నం, మంగళగిరి-తాడేపల్లి, గుంటూరు, ఒంగోలు, నెల్లూరు, కర్నూలు, కడప, తిరుపతి, చిత్తూరు.
జనసేన పార్టీ (04 కార్పొరేషన్లు):
విజయవాడ, కాకినాడ, ఏలూరు, శ్రీకాకుళం.
(ఇటీవలే చేరిన వంగవీటి రాధా విజయవాడ మేయర్ బరిలో నిలవనుండటం ఇక్కడ గమనార్హం).
భారతీయ జనతా పార్టీ (02 కార్పొరేషన్లు):
రాజమహేంద్రవరం (రాజమండ్రి), అనంతపురం.
కీలక రూల్ (పవర్ షేరింగ్ ఫార్ములా)..ఒక మున్సిపాలిటీ లేదా కార్పొరేషన్‌లో మేయర్ / ఛైర్మన్ పోస్టు ఒక పార్టీకి కేటాయిస్తే.. డిప్యూటీ మేయర్ / వైస్ ఛైర్మన్ పదవిని కూటమిలోని మరో భాగస్వామ్య పార్టీకి ఇవ్వాలని మూడు పార్టీల బాస్‌లు రూల్ ఫిక్స్ చేశారు.
మున్సిపాలిటీలు & నగర పంచాయతీల పంచాయితీ క్లియర్..
మొత్తం 106 మున్సిపాలిటీలు/నగర పంచాయతీలలో టీడీపీ 78 స్థానాల్లో, జనసేన 21 చోట్ల, బీజేపీ 7 స్థానాల్లో తమ అభ్యర్థులను రంగంలోకి దించనున్నాయి.
1. జనసేన పోటీ చేసే 21 మున్సిపాలిటీలు..
గోదావరి జిల్లాల్లో తనకున్న బలమైన ఓటు బ్యాంక్‌తో పాటు, ఉత్తరాంధ్ర, రాయలసీమల్లోని స్ట్రాంగ్ బెల్టులను జనసేన కైవసం చేసుకుంది.
-
ఉత్తరాంధ్ర: రాజాం, పాలకొండ, సాలూరు.
-
ఉమ్మడి తూర్పు గోదావరి: పిఠాపురం, అమలాపురం, సామర్లకోట, ముమ్మిడివరం, తుని, గొల్లప్రోలు.
-
ఉమ్మడి పశ్చిమ గోదావరి: భీమవరం, తాడేపల్లిగూడెం, నరసాపురం, నిడదవోలు.
-
కృష్ణా & గుంటూరు: తెనాలి, చిలకలూరిపేట, పెడన, తిరువూరు.
-
ప్రకాశం & రాయలసీమ: దర్శి, మడకశిర, పుట్టపర్తి, పుత్తూరు.
2. బీజేపీ పోటీ చేసే 07 మున్సిపాలిటీలు..
-
నెల్లిమర్ల (విజయనగరం)
-
ఎలమంచిలి (అనకాపల్లి)
-
బాపట్ల (బాపట్ల)
-
గిద్దలూరు (మార్కాపురం)
-
కావలి (నెల్లూరు)
-
ఎర్రగుంట్ల (కడప)
-
గూడూరు (కర్నూలు)
3. తెలుగుదేశం పార్టీ బరిలో దిగే 78 మున్సిపాలిటీలు..
ఇచ్ఛాపురం, పలాస-కాశీబుగ్గ, ఆమదాలవలస, పార్వతీపురం, బొబ్బిలి, నర్సీపట్నం, ఏలేశ్వరం, పెద్దాపురం, రామచంద్రపురం, మండపేట, కొవ్వూరు, పాలకొల్లు, ఆకివీడు, తణుకు, చింతలపూడి, జంగారెడ్డిగూడెం, నూజివీడు, గుడివాడ, తాడిగడప, ఉయ్యూరు, కొండపల్లి, నందిగామ, జగ్గయ్యపేట, పొన్నూరు, రేపల్లె, నరసరావుపేట, సత్తెనపల్లి, వినుకొండ, దాచేపల్లి, గురజాల, పిడుగురాళ్ల, మాచర్ల, అద్దంకి, చీరాల, చీమకుర్తి, కందుకూరు, మార్కాపురం, పొదిలి, కనిగిరి, అల్లూరు, ఆత్మకూరు (నెల్లూరు), బుచ్చిరెడ్డిపాలెం, గూడూరు (నెల్లూరు), నాయుడుపేట, సూళ్లూరుపేట, వెంకటగిరి, బద్వేలు, రాజంపేట, రాయచోటి, పులివెందుల, కమలాపురం, జమ్మలమడుగు, ప్రొద్దుటూరు, మైదుకూరు, ఆళ్లగడ్డ, ఆత్మకూరు (నంద్యాల), నందికొట్కూరు, నంద్యాల, బేతంచెర్ల, డోన్, ఎమ్మిగనూరు, ఆదోని, రాయదుర్గం, గుత్తి, గుంతకల్లు, తాడిపత్రి, కళ్యాణదుర్గం, హిందూపురం, పెనుకొండ, ధర్మవరం, కదిరి, బి.కొత్తకోట, మదనపల్లె, పుంగనూరు, శ్రీకాళహస్తి, నగరి, పలమనేరు, కుప్పం.
టికెట్ల ప్రకటన ఎప్పుడు? – హైకమాండ్ స్ట్రిక్ట్ ఆర్డర్స్..
-
కార్పొరేటర్, కౌన్సిలర్ టిక్కెట్లు..మేయర్, మున్సిపల్ ఛైర్మన్ అభ్యర్థుల పేర్లను రాష్ట్ర స్థాయిలోనే ప్రకటించనున్నారు. వార్డుల వారీగా కార్పొరేటర్, కౌన్సిలర్ టిక్కెట్ల కేటాయింపు బాధ్యతను జిల్లా లెవల్ లీడర్లకే అప్పగించారు. జిల్లా అధ్యక్షులు, స్థానిక ఎమ్మెల్యేలు, ఇన్‌ఛార్జులు కూర్చుని శుక్ర, శనివారాల్లో లిస్ట్‌లను ఫైనల్ చేస్తారు.
-
రెబల్స్‌కి నో ఛాన్స్:పొత్తులో భాగంగా ఏ పార్టీ అభ్యర్థి నిలబడినా.. మిగిలిన రెండు పార్టీల కేడర్ తమ సొంత క్యాండిడేట్‌గా భావించి పని చేయాలని చంద్రబాబు, పవన్ కల్యాణ్ స్పష్టమైన ఆదేశాలు ఇచ్చారు. ఎక్కడా అసమ్మతి లేకుండా సమన్వయంతో క్లీన్ స్వీప్ చేయడమే లక్ష్యంగా కూటమి క్యాంపైన్ ప్రారంభించనుంది.