Vijayawada: ఆంధ్రప్రదేశ్ రాష్ట్రంలోని విజయవాడ నగరంలో తీవ్ర సంచలనం రేపిన ఓ బ్లాక్‌మెయిలింగ్ వ్యవహారం చివరకు సినిమా ఫక్కీలో దేహశుద్ధితో ముగిసింది. తనను కాదని వేరొకరిని పెళ్లి చేసుకుందన్న కసితో ఓ యువతి వ్యక్తిగత, న్యూడ్ ఫొటోలను సోషల్ మీడియాలో పోస్ట్ చేయడమే కాకుండా.. నేరుగా ఆమె భర్తకే పంపి కాపురాన్ని కూల్చిన మాజీ ప్రియుడికి బాధితురాలి బంధువులు నడిరోడ్డుపై సరైన బుద్ధి చెప్పారు. పక్కా స్కెచ్ వేసి మాల్ వద్దకు రప్పించి, విచక్షణారహితంగా చితకబాది పోలీసులకు అప్పగించారు.
అసలేం జరిగింది? – పెళ్లి చేసుకుందన్న కక్షతో బ్లాక్‌మెయిలింగ్..
పోలీసులు, స్థానికులు తెలిపిన వివరాల ప్రకారం.. విజయవాడకు చెందిన ఓ యువతి, సదరు యువకుడు గతంలో ప్రేమించుకున్నారు. అయితే కొన్ని అనివార్య కారణాల వల్ల వారి బంధం కొనసాగలేదు. ఆ తర్వాత యువతికి పెద్దలు వేరే వ్యక్తితో వివాహం నిశ్చయించి ఘనంగా పెళ్లి జరిపించారు.
నెల రోజులుగా తీవ్ర వేధింపులు..
తనను కాదని మరొకరిని వివాహం చేసుకుందన్న అక్కసుతో రగిలిపోయిన మాజీ ప్రియుడు.. గత నెల రోజులుగా ఆమెకు పాత న్యూడ్ ఫొటోలు, వీడియోలను మెసేజ్‌ల రూపంలో పంపిస్తూ తీవ్రంగా వేధించడం మొదలుపెట్టాడు. తనను వెంటనే ఒంటరిగా వచ్చి కలవాలని, లేకపోతే ఆ ప్రైవేట్ ఫొటోలను సోషల్ మీడియాలో పెట్టి పరువు తీస్తానని బెదిరింపులకు దిగాడు.
అతడి అసభ్యకర మెసేజ్‌లు, బెదిరింపులకు ఆ యువతి ఏమాత్రం స్పందించలేదు. దీంతో విచక్షణ కోల్పోయిన అతడు ఆ ఫొటోలను సోషల్ మీడియాలో పోస్ట్ చేశాడు. అంతటితో ఆగకుండా, ఆమె వివాహ జీవితాన్ని నాశనం చేయాలనే దురుద్దేశంతో నేరుగా ఆమె భర్త మొబైల్‌‌కు కూడా ఆ న్యూడ్ ఫొటోలు, వీడియోలను ఫార్వర్డ్ చేశాడు.
ఫోన్‌లోకి వచ్చిన ఆ ఫొటోలు చూసి తీవ్ర దిగ్భ్రాంతికి గురైన భర్త.. తీవ్ర ఆగ్రహంతో “నువ్వు ఇక నాకు భార్యగా వద్దు” అని తెగేసి చెప్పి ఆమెను వదిలేసి వెళ్లిపోయాడు.క్షణాల వ్యవధిలో నిండు సంసారం కూలిపోవడంతో బాధితురాలు, ఆమె కుటుంబసభ్యులు తీవ్ర ఆవేదన, కోపాద్రిక్తులయ్యారు. చట్టపరంగానే కాకుండా ఆ నీచుడికి తగిన గుణపాఠం చెప్పాలని నిర్ణయించుకున్నారు.
పథకం ప్రకారం బాధితురాలు అతడికి ఫోన్ చేసి.. “నువ్వు చెప్పినట్లే వచ్చి కలుస్తాను” అని నమ్మబలికింది. విజయవాడలోని ఓ ప్రముఖ షాపింగ్ మాల్ వద్దకు రావాలని చెప్పింది. ఆమె మాటలు నమ్మి విజయగర్వంతో మాల్ వద్దకు వచ్చిన మాజీ ప్రియుడిని.. అప్పటికే అక్కడ కాపుకాసిన యువతి కుటుంబ సభ్యులు, బంధువులు ఒక్కసారిగా చుట్టుముట్టారు.
ఒక ఆడపిల్ల జీవితాన్ని నాశనం చేసిన అతడిపై విచక్షణారహితంగా పిడిగుద్దులు, కాళ్లతో దాడి చేసి చితకబాదారు. స్థానికులు, దారినపోయేవారు గొడవను ఆపేందుకు ప్రయత్నించినప్పటికీ బాధితుల ఆగ్రహం ముందు ఎవరూ ఆగలేకపోయారు.
పోలీస్ స్టేషన్‌కు తరలింపు – కేసు నమోదు..
బాగా దేహశుద్ధి చేసిన అనంతరం కుటుంబసభ్యులు అతడిని ఈడ్చుకుంటూ వెళ్లి సమీపంలోని పోలీస్ స్టేషన్‌లో అప్పగించారు.
-
నిందితుడిపై ఐటీ యాక్ట్ (IT Act), మహిళల గౌరవానికి భంగం కలిగించడం, బ్లాక్‌మెయిలింగ్, బెదిరింపుల కింద కఠిన సెక్షన్లతో పోలీసులు కేసు నమోదు చేశారు.
-
నిందితుడి మొబైల్ ఫోన్‌ను స్వాధీనం చేసుకుని, అందులో ఉన్న డేటాను డిలీట్ చేయడంతో పాటు సైబర్ క్రైమ్ నిపుణులకు ఫోరెన్సిక్ పరీక్ష నిమిత్తం పంపించారు.
-
మహిళల ప్రైవేట్ ఫొటోలతో బ్లాక్‌మెయిలింగ్‌‌కు పాల్పడితే చట్టపరంగా జీవితమే నాశనమవుతుందని, బాధితులు ఇలాంటి వేధింపులు ఎదురైనప్పుడు వెంటనే పోలీసులను ఆశ్రయించాలని ఉన్నతాధికారులు హెచ్చరించారు.