Bigg Booss 10: బుల్లితెర ప్రేక్షకులను అమితంగా ఆకట్టుకునే రియాలిటీ షో ‘బిగ్ బాస్ తెలుగు’ 10వ సీజన్ గ్రాండ్ లాంచ్ ఈవెంట్తో అత్యంత వైభవంగా ప్రారంభమైంది. హోస్ట్ కింగ్ అక్కినేని నాగార్జున సారథ్యంలో మొదలైన ఈ సరికొత్త సీజన్లో మొత్తం 16 మంది కంటెస్టెంట్లు హౌస్లోకి అడుగుపెట్టారు. ఇందులో 10 మంది ప్రముఖ సెలబ్రిటీలు కాగా, ‘అగ్నిపరీక్ష’ ద్వారా ఎంపికైన ఆరుగురు కామనర్స్ కేటగిరీకి చెందినవారు ఉన్నారు.
షో మొదలైన వేళ.. హౌస్లో సందడి చేస్తున్న సెలబ్రిటీలు, కామనర్ల వారపు పారితోషికాలు (రెమ్యూనిరేషన్లు), వారి చెల్లింపుల ఒప్పంద నిబంధనలు సోషల్ మీడియాలో విపరీతంగా చక్కర్లు కొడుతున్నాయి.
టాప్ రెమ్యూనిరేషన్ ఎవరికి? సెలబ్రిటీల వారపు పారితోషికాల వివరాలు..
బుల్లితెరపై పాపులారిటీ, సోషల్ మీడియా క్రేజ్ ఆధారంగా నిర్వాహకులు ఒక్కొక్కరికీ వారానికి ఒక నిర్దిష్ట పారితోషికాన్ని ఖరారు చేశారు.
-
ముఖేష్ గౌడ & ఆటో రాంప్రసాద్..‘గుప్పెడంత మనసు’ సీరియల్ ఫేమ్ ముఖేష్ గౌడకు బుల్లితెరపై ఉన్న విపరీతమైన క్రేజ్ దృష్ట్యా వారానికి దాదాపు రూ. 3.5 లక్షల నుంచి రూ. 4 లక్షల వరకు చెల్లిస్తున్నట్లు సమాచారం. అలాగే జబర్దస్త్ స్టార్ కమెడియన్ ఆటో రాంప్రసాద్ కూడా వారానికి దాదాపు రూ. 4 లక్షల నుంచి రూ. 4.5 లక్షల వరకు భారీ పారితోషికం అందుకుంటూ టాప్ లిస్టులో ఉన్నారు.
-
యాంకర్ వర్షిణి సౌందరరాజన్:గ్లామర్ కోటాలో ఎంట్రీ ఇచ్చిన వర్షిణికి వారానికి రూ. 3.5 లక్షల నుంచి రూ. 3.75 లక్షల వరకు ముడుతున్నట్లు ప్రచారం జరుగుతోంది.
-
దేబ్జానీ మోదక్:బెంగాలీ బ్యూటీ, సీరియల్ నటి దేబ్జానీకి వారానికి రూ. 2.75 లక్షల నుంచి రూ. 3 లక్షల వరకు ఖరారు చేసినట్లు తెలుస్తోంది.
-
కృష్ణుడు & త్రిగుణ్ (అదిత్ ఈశ్వరన్):నటులు కృష్ణుడు, హీరో త్రిగుణ్లకు వారానికి రూ. 2.75 లక్షల నుంచి రూ. 3 లక్షల వరకు చెల్లిస్తున్నారు.
-
జబర్దస్త్ నరేష్ & చైత్ర రాయ్:వీరికి వారానికి రూ. 2.25 లక్షల నుంచి రూ. 2.5 లక్షల వరకు రెమ్యూనిరేషన్ ఉన్నట్లు టాక్.
-
టెంపర్ వంశీ & యాంకర్ సుధీర్ రెడ్డి:టెంపర్ వంశీ, సుధీర్ రెడ్డిలకు వారానికి రూ. 1.25 లక్షల నుంచి రూ. 2 లక్షల వరకు ఇస్తున్నారని సమాచారం.
కామనర్ల పారితోషికం & అగ్నిపరీక్ష అలవెన్స్..
-
వారానికి రూ. 70,000 నుంచి రూ. 1 లక్ష:హౌస్లోకి ఎంపికైన ఆరుగురు కామనర్లకు (సింగర్ ఝాన్సీ, షాలినీ దామెర, ఆర్జే చరణ్, అమన్, సృష్టి, రోహిత్ నాయుడు తదితరులు) సమానంగా వారానికి రూ. 70,000 నుంచి రూ. 1,00,000 వరకు పారితోషికం లభిస్తోంది.
-
అగ్నిపరీక్ష ఖర్చులు:ప్రాథమిక సెలక్షన్స్లో భాగంగా నిర్వహించిన ‘అగ్నిపరీక్ష’కు హాజరైన 15 మంది అభ్యర్థులకు వసతి, ప్రయాణ ఖర్చులు, దుస్తుల కొనుగోలు నిమిత్తం ఒక్కొక్కరికీ రూ. 50,000 ముందే అందజేశారు.
బిగ్బాస్ కఠిన పేమెంట్ ఒప్పందాలు – నియమావళి..
కంటెస్టెంట్లతో బిగ్ బాస్ యాజమాన్యం చేసుకున్న ఆర్థిక నిబంధనలు అత్యంత ఆసక్తికరంగా ఉన్నాయి:
-
మొదటి వారం అడ్వాన్స్:హౌస్లోకి వెళ్లేందుకు అవసరమైన కాస్ట్యూమ్స్, వ్యక్తిగత ఖర్చుల కోసం మొదటి వారం రెమ్యూనిరేషన్ను లాంచ్ డేకి రెండు రోజుల ముందే కంటెస్టెంట్ల బ్యాంక్ ఖాతాల్లో జమ చేశారు.
-
జీఎస్టీ నిబంధన:కంటెస్టెంట్లకు అధికారికంగా GST రిజిస్ట్రేషన్ ఉంటే, ఒప్పందం చేసుకున్న మొత్తానికి అదనంగా 18% జీఎస్టీ కలిపి చెల్లిస్తారు. లేనివారికి ఒప్పంద మొత్తం మాత్రమే అందుతుంది.
-
బకాయిల క్లియరెన్స్:ఎలిమినేట్ అయిన కంటెస్టెంట్లకు షో పూర్తయిన తర్వాతే పూర్తి సెటిల్మెంట్ జరుగుతుంది. మొత్తం బకాయిల్లో 80% మొత్తాన్ని షో ముగిసిన 3 నెలల వ్యవధిలోపు, మిగిలిన 20% మొత్తాన్ని ఏడాదిలోపు చెల్లిస్తారు.
-
ఎక్స్క్లూజివ్ కాంట్రాక్ట్:షో పూర్తయిన 3 నెలల నుంచి తదుపరి 9 నెలల పాటు (మొత్తంగా ఏడాది కాలం) ఇతర పోటీ ఛానళ్లలో ఇలాంటి రియాలిటీ షోలలో కంటెస్టెంట్లు పాల్గొనకూడదనే కఠినమైన ఒప్పందం కూడా ఉంది. కాగా, హోస్ట్గా వ్యవహరిస్తున్న కింగ్ నాగార్జున ఈ 10వ సీజన్ కోసం ఏకంగా రూ. 40 కోట్ల భారీ పారితోషికం అందుకుంటున్నట్లు ఇండస్ట్రీ వర్గాల్లో చర్చ నడుస్తోంది.