Smoking: రోజూ ఒక్క సిగరెట్టే కదా.. దీనివల్ల ఏమవుతుందిలే! అని చాలామంది తేలిగ్గా తీసుకుంటారు. కానీ పొగను లోపలికి పీల్చిన మరుక్షణమే నికోటిన్, కార్బన్ మోనాక్సైడ్, తారుతో (Tar) కలిపి ఏకంగా 7,000కి పైగా విష రసాయనాలు ఒక్కసారిగా ఊపిరితిత్తుల్లోకి ప్రవేశిస్తాయి. ఆ ఒక్క దమ్ముతో శరీరం లోపల ఎలాంటి ప్రమాదకర మార్పులు మొదలవుతాయో తెలిస్తే ఎవరైనా నివ్వెరపోవాల్సిందే. సిగరెట్ వెలిగించిన 10 సెకన్ల నుంచి మొదలుకొని ఏడాది కాలంలో శరీరం ఎదుర్కొనే మార్పులు ఇవే.
తొలి 10 సెకన్లు – మెదడు మాయలో పడే క్షణం..
20 నిమిషాల నుంచి 24 గంటలు – ఆక్సిజన్ కొరత, రక్షణ కణాల విధ్వంసం..
-
రక్తంలోకి కార్బన్ మోనాక్సైడ్సిగరెట్ పొగలోని కార్బన్ మోనాక్సైడ్ నేరుగా రక్తంలో కలుస్తుంది. ఇది రక్తం శరీరానికి మోసుకెళ్లే ఆక్సిజన్ పరిమాణాన్ని తీవ్రంగా తగ్గిస్తుంది. ఫలితంగా అవయవాలకు ఆక్సిజన్ సరిపోక గుండె రెట్టింపు శ్రమతో పనిచేయాల్సి వస్తుంది.
-
సిలియా (Cilia) కణాలు నాశనంఊపిరితిత్తులలోకి వెళ్లే దుమ్ము, విషాన్ని బయటకు తుడిచిపెట్టే చిన్న వెంట్రుకల వంటి కణాలు (సిలియా) ఉంటాయి. సిగరెట్ వేడికి, తారు ప్రభావానికి ఆ సున్నితమైన కణాలు కదలిక కోల్పోయి చనిపోతాయి.
3 నెలలు – తీరని దగ్గు, రుచి-వాసన మాయం..
-
ఊపిరితిత్తుల్లో జిగట కఫంసిలియా కణాలు నాశనమవడంతో ఊపిరితిత్తుల్లో శ్లేష్మం (Mucus), కఫం పేరుకుపోతుంది. దాన్ని ఎలాగైనా బయటకు నెట్టడానికి శరీరం తీవ్రంగా పోరాడుతుంది. అదే భరించలేని ‘స్మోకర్స్ కాఫ్’ (విపరీతమైన దగ్గు) రూపంలో బయటపడుతుంది.
-
రుచి, వాసన నశించడంనాలుకపై ఉండే టేస్ట్ బడ్స్, ముక్కులోని వాసన నాడులు తీవ్రంగా దెబ్బతింటాయి. తినే ఆహారంలో రుచి, సహజ వాసనలు సరిగ్గా తెలియవు. చిన్నపాటి పనులు చేసినా, రెండు మెట్లు ఎక్కినా విపరీతమైన ఆయాసం చుట్టుముడుతుంది.
6 నెలల నుంచి ఏడాది – డేంజర్ బెల్స్ మోగే సమయం:
-
తరచూ ఇన్ఫెక్షన్లుఊపిరితిత్తుల రక్షణ వ్యవస్థ కూలిపోవడంతో రోగనిరోధక శక్తి అట్టడుగుకు పడిపోతుంది. కొద్దిపాటి వాతావరణ మార్పులకే న్యుమోనియా, బ్రోంకైటిస్ (Bronchitis), ఛాతీ ఇన్ఫెక్షన్లు పదే పదే దాడి చేస్తాయి.
-
హార్ట్ ఎటాక్, స్ట్రోక్ ముప్పు రెట్టింపురక్తనాళాలలో కొవ్వుతో పాటు తార్ పేరుకుపోయి రక్తం గడ్డకట్టే ప్రమాదం తీవ్రమవుతుంది. గుండె రక్తనాళాలు మూసుకుపోయి గుండెపోటు (Heart Attack) లేదా మెదడుకు రక్తం అందక పక్షవాతం (Brain Stroke) వచ్చే ముప్పు సాధారణ వ్యక్తుల కంటే రెండింతలు పెరుగుతుంది.
-
క్యాన్సర్ అంచున జీవితంఊపిరితిత్తులు, నోరు, గొంతు కణాల్లోని డీఎన్ఏ (DNA) తీవ్రంగా దెబ్బతింటుంది. క్యాన్సర్ కణితులు వేగంగా పెరిగే ప్రక్రియ ఊపందుకుంటుంది.
ఒక్కసారే పూర్తిగా మానేయడం కష్టంగా అనిపించినా, ఒక్కొక్కటిగా సిగరెట్ల సంఖ్య తగ్గిస్తూ రండి. ధూమపానం తగ్గించిన కొద్ది రోజులకే ఊపిరితిత్తులు తిరిగి ఊపిరి పీల్చుకుంటాయి. మెట్లు ఎక్కినా ఆయాసం రాకుండా హాయిగా నడవగలిగినప్పుడు మీ శరీరంలో వచ్చిన మార్పు చూసి మీరే ఆశ్చర్యపోతారు. ఆరోగ్యాన్ని కాపాడుకోవడం మీ చేతుల్లోనే ఉంది.