Congress: తెలంగాణ కాంగ్రెస్లో మంత్రి కొండా సురేఖ బర్తరఫ్ ఎపిసోడ్ అనంతర పరిణామాలు అత్యంత రసవత్తరంగా మారాయి. తనపై చర్యలు తీసుకుంటే “బీసీలంతా ఏకమవుతారు.. బీసీ మహిళా మంత్రినైనందుకే తనను టార్గెట్ చేస్తున్నారు” అంటూ ఢిల్లీ వేదికగా కొండా సురేఖ ప్రయోగించిన సామాజిక అస్త్రాలకు కాంగ్రెస్ అధిష్ఠానం, ముఖ్యమంత్రి రేవంత్ రెడ్డి వ్యూహాత్మకంగా చెక్ పెట్టారు. ఆమె లేవనెత్తిన ప్రతి కుల సమీకరణానికి తగ్గట్టుగా, అదే సామాజిక వర్గాలకు చెందిన మహిళా నేతలకు కీలక పదవులు కట్టబెడుతూ గంటల వ్యవధిలోనే పకడ్బందీ కౌంటర్ ఇచ్చారు.
సురేఖ వేసిన 4 కార్డులు – కాంగ్రెస్ ఇచ్చిన ధీటైన సమాధానం..
1. పద్మశాలి కార్డు వర్సెస్ గుండు సుధారాణి..
తాను పుట్టుకతో పద్మశాలి సామాజిక వర్గానికి చెందిన మహిళనని, తనను అణగదొక్కే ప్రయత్నం జరుగుతోందని సురేఖ పేర్కొన్నారు. దీనికి ప్రత్యామ్నాయంగా కాంగ్రెస్ పార్టీ వరంగల్ జిల్లాకే చెందిన పద్మశాలి వర్గ సీనియర్ నేత గుండు సుధారాణికి కాకతీయ పట్టణాభివృద్ధి సంస్థ (KUDA) చైర్పర్సన్ పదవిని కేటాయించి సురేఖ స్థానిక పట్టుకు చెక్ పెట్టింది.
2. మున్నూరుకాపు కార్డు వర్సెస్ గద్వాల్ విజయలక్ష్మి..
తన భర్త కొండా మురళి మున్నూరుకాపు సామాజిక వర్గానికి చెందిన నాయకుడని, ఆ వర్గాన్ని కూడా చిన్నచూపు చూస్తున్నారని సురేఖ విమర్శించారు. దీనికి కౌంటర్గా ప్రభుత్వం డాక్టర్ జి. చిన్నారెడ్డిని తప్పించి, అదే మున్నూరుకాపు సామాజిక వర్గానికి చెందిన జీహెచ్ఎంసీ మాజీ మేయర్ గద్వాల్ విజయలక్ష్మిని రాష్ట్ర ప్రణాళికా సంఘం ఉపాధ్యక్షురాలిగా నియమించింది.
3. బీసీ మహిళా కార్డు వర్సెస్ నేరెళ్ల శారద..
తాను బీసీ మహిళా మంత్రిని కాబట్టే తనను బలిపశువును చేస్తున్నారన్న ప్రచారాన్ని తిప్పికొట్టేందుకు, వెనుకబడిన తరగతుల (బీసీ) సంక్షేమానికి తాము కట్టుబడి ఉన్నామని చాటుతూ సీనియర్ బీసీ మహిళా నాయకురాలు నేరెళ్ల శారదను రాష్ట్ర మహిళా కమిషన్ చైర్పర్సన్గా నియమిస్తూ ఉత్తర్వులు ఇచ్చారు.
4. వరంగల్ జిల్లా రాజకీయ సమతుల్యత:
వరంగల్ జిల్లాలో కొండా కుటుంబం ప్రభావం లేకుండా చేసేలా, అదే ఉమ్మడి వరంగల్ జిల్లాకు చెందిన నేతలకు పదతెలంగాణ రాజకీయాల్లో మంత్రి కొండా సురేఖ వ్యాఖ్యలకు, కాంగ్రెస్ అధిష్ఠానం వ్యూహాత్మకంగా ఇచ్చిన కౌంటర్ రాజకీయ వర్గాల్లో తీవ్ర చర్చనీయాంశంగా మారింది. కొండా సురేఖ లేవనెత్తిన సామాజిక సమీకరణాల కార్డులను నిర్వీర్యం చేస్తూ కాంగ్రెస్ నాయకత్వం కార్పొరేషన్, కమిషన్ నామినేటెడ్ పదవుల కేటాయింపులో చదరంగం ఎత్తులు వేసింది.
సురేఖ లేవనెత్తిన ప్రతి కుల, లింగ సమీకరణానికి ప్రత్యామ్నాయంగా బలమైన మహిళా నేతలకే ప్రాధాన్యత కల్పించి, ఆయా వర్గాల్లో అసంతృప్తి వ్యాపించకుండా వెంటనే దిద్దుబాటు చర్యలు చేపట్టింది. ఈ వ్యూహాత్మక నియామకాల ద్వారా కొండా సురేఖ ఉపయోగించిన సామాజిక, రాజకీయ కార్డుల ప్రభావాన్ని కాంగ్రెస్ పార్టీ సమర్థవంతంగా సమతుల్యం చేసింది.
