Indiramma Indlu: తెలంగాణలో సొంతింటి కలను నిజం చేసుకుంటున్న నిరుపేద కుటుంబాలకు కాంగ్రెస్ ప్రభుత్వం కీలక ఉపశమనం కలిగించింది. ఇందిరమ్మ ఇళ్ల నిర్మాణం పూర్తి చేసుకుని ఆఖరి విడత పేమెంట్ల కోసం ఎదురుచూస్తున్న లబ్ధిదారులకు రాష్ట్ర గృహనిర్మాణ శాఖ మంత్రి పొంగులేటి శ్రీనివాస్ రెడ్డి శుభవార్త తెలిపారు. కేంద్ర ప్రభుత్వం నుంచి నిధులు రాకపోయినా, లబ్ధిదారులు ఇబ్బంది పడకూడదనే ఉద్దేశంతో రాష్ట్ర ప్రభుత్వ సొంత నిధులతో చివరి బిల్లులను చెల్లిస్తున్నట్లు స్పష్టం చేశారు.
ఏడాది ఎదురుచూసినా రాని కేంద్ర వాటా – ప్రభుత్వమే భరింపు..
-
రూ.5 లక్షల ఆర్థిక సాయం: గ్రామీణ ప్రాంతాల్లో సొంత స్థలం ఉన్న అర్హులైన పేదలకు ఇంటి నిర్మాణానికి ప్రభుత్వం నాలుగు దశల్లో మొత్తం రూ.5 లక్షల సహాయాన్ని నేరుగా బ్యాంకు ఖాతాల్లో జమ చేస్తోంది.
-
ఆలస్యానికి కారణం: చాలా చోట్ల మూడు దశల బిల్లులు సకాలంలో అందినప్పటికీ, చివరి బిల్లులో కేంద్ర ప్రభుత్వ వాటా ముడిపడి ఉండటంతో జాప్యం జరిగింది.
-
ముఖ్యమంత్రి విజ్ఞప్తి చేసినా ఫలితం శూన్యం: ప్రధానమంత్రి నరేంద్ర మోదీ, సంబంధిత కేంద్ర మంత్రులను సీఎం రేవంత్ రెడ్డి స్వయంగా కలిసి విజ్ఞప్తి చేసినప్పటికీ ఇప్పటివరకు కేంద్రం నుంచి నిధులు విడుదల కాలేదని మంత్రి తెలిపారు. దీంతో పేదలకు ఇచ్చిన మాట ప్రకారం రాష్ట్ర ప్రభుత్వమే ఆ మొత్తాన్ని భరించి విడుదల చేస్తోందన్నారు.
15,475 మంది ఖాతాల్లోకి రూ.185 కోట్లు:
-
రెండో విడత ఎంపిక: రెండో విడత ఇందిరమ్మ ఇళ్ల లబ్ధిదారుల గుర్తింపు, ఎంపిక ప్రక్రియను సెప్టెంబరు 15 నాటికి పూర్తి చేయనున్నారు.
-
గ్రేటర్ పరిధిలో ఇందిరమ్మ టవర్స్: జీహెచ్ఎంసీ పరిధిలోని 14 నియోజకవర్గాల్లో వచ్చిన 60 వేల దరఖాస్తుల్లో 40 వేల మందిని అర్హులుగా గుర్తించారు. నియోజకవర్గానికి 400 ఇళ్ల చొప్పున కేటాయిస్తూ.. ఆగస్టు 28 నుంచి 31 వరకు అర్హుల సమక్షంలోనే పారదర్శకంగా లక్కీ డ్రా నిర్వహించనున్నారు.