NBK 111: నటసింహం నందమూరి బాలకృష్ణ, మాస్ డైరెక్టర్ గోపీచంద్ మలినేని క్రేజీ కాంబినేషన్లో తెరకెక్కుతున్న ప్రతిష్టాత్మక చిత్రం #NBK111 నుంచి అదిరిపోయే అప్డేట్ వచ్చింది. ఇటీవల గాయపడిన బాలకృష్ణ ప్రస్తుతం పూర్తిగా కోలుకోవడంతో, అతి త్వరలోనే ఈ సినిమా సరికొత్త షూటింగ్ షెడ్యూల్లో అడుగుపెట్టేందుకు మూవీ టీమ్ సిద్ధమవుతోంది. ‘వీరసింహారెడ్డి’ వంటి బ్లాక్బస్టర్ హిట్ తర్వాత వీరిద్దరి కలయికలో వస్తున్న సినిమా కావడంతో అభిమానుల్లో భారీ అంచనాలు నెలకొన్నాయి.
గ్యాంగ్స్టర్ బ్యాక్డ్రాప్ – డిసెంబర్ 24న థియేటర్లలోకి!
దర్శకుడు గోపీచంద్ మలినేని ఇప్పటికే షూటింగ్ ప్రణాళికలను శరవేగంగా సిద్ధం చేస్తున్నారు. ఎలాంటి విరామం లేకుండా నిర్విరామంగా చిత్రీకరణ పూర్తి చేసి.. క్రిస్మస్ కానుకగా డిసెంబర్ 24న సినిమాను ప్రేక్షకుల ముందుకు తీసుకురావడమే లక్ష్యంగా టీమ్ పనిచేస్తోంది. బాలకృష్ణ ఇమేజ్, ఆయన బాడీ లాంగ్వేజ్కు సరిగ్గా సరిపోయేలా పూర్తిస్థాయి గ్యాంగ్స్టర్ నేపథ్యంలో హై-వోల్టేజ్ యాక్షన్ డ్రామాగా ఈ చిత్రాన్ని మలుస్తున్నారు.
పరిశీలనలో రెండు పవర్ఫుల్ టైటిల్స్..
-
గాడ్ (GOD)
-
దాదా (DADA)
ఈ రెండు పేర్లలో ఒకదానిని ఖరారు చేసేందుకు మేకర్స్ మొగ్గు చూపుతున్నట్లు సమాచారం. చిత్ర బృందం నుంచి త్వరలోనే టైటిల్పై అధికారిక ప్రకటన వెలువడే అవకాశం ఉంది. ఈ మాస్ టైటిల్స్లో ఏది ఖరారైనా సినిమాపై అంచనాలు ఆకాశాన్ని తాకడం ఖాయంగా కనిపిస్తోంది.