NBK11: టాలీవుడ్ స్టార్ హీరో నందమూరి బాలకృష్ణ (Balakrishna) మోకాలికి ఏఐజీ (AIG) ఆస్పత్రి వైద్యులు విజయవంతంగా సర్జరీ పూర్తి చేశారు. కాకినాడలో ‘ఎన్బీకే 111’ (NBK111) సినిమా షూటింగ్ జరుగుతున్న సమయంలో ఆయన మోకాలికి గాయమైంది.
గాయం తీవ్రత పెరిగి మోకాలి కండరంలో క్రాక్ రావడంతో, దాదాపు 3 గంటల పాటు శ్రమించి వైద్యులు ఆపరేషన్ పూర్తి చేశారు. ప్రస్తుతం ఆయన కోలుకుంటున్నారని, కనీసం 6 వారాల విశ్రాంతి అవసరమని వైద్యులు వెల్లడించారు.
1. కాటేరమ్మ ఆలయంలో ప్రత్యేక మహాయాగం
బాలయ్య త్వరగా కోలుకుని తిరిగి ఆరోగ్యంగా సెట్స్లోకి అడుగుపెట్టాలని డైరెక్టర్ గోపీచంద్ మలినేని ప్రత్యేక పూజలు చేయిస్తున్నారు. బెంగళూరు కంబలిపురంలోని కాటేరమ్మ దేవాలయంలో 18 మంది వేద పండితులచే మహాయాగం, దాన్వంతరి హోమాన్ని నిర్వహించారు. ఈ కార్యక్రమంలో డైరెక్టర్ గోపీచంద్ మలినేనితో పాటు ఎన్టీఆర్ హెల్పింగ్ హ్యాండ్స్ అనంతపురం ప్రతినిధి జగన్ ఇంకా బాలయ్య అభిమానులు పాల్గొన్నారు. రెండు తెలుగు రాష్ట్రాల్లోని అభిమానులు కూడా బాలయ్య ఆరోగ్యం కోసం ఆలయాల్లో భారీగా పూజలు నిర్వహిస్తున్నారు.
2. ‘ఎన్బీకే 111’ షూటింగ్పై ప్రభావం
గోపీచంద్ మలినేని దర్శకత్వంలో ముంబై బ్యాక్డ్రాప్లో తెరకెక్కుతున్న ఈ సినిమాని 2027 సంక్రాంతి కానుకగా విడుదల చేయాలని ప్లాన్ చేశారు. బాలయ్యకు గాయం కావడం వల్ల ప్రస్తుతం షూటింగ్ తాత్కాలికంగా ఆగిపోయింది. అయితే ప్రాజెక్ట్ లేట్ అవ్వకుండా ఉండేందుకు, బాలకృష్ణ లేని ఇతర నటీనటుల సన్నివేశాలను తీయడానికి సినిమా యూనిట్ ప్లాన్ చేస్తున్నారు.
3. హిట్ కాంబినేషన్ మళ్లీ రిపీట్!
గతంలో బాలకృష్ణ – గోపీచంద్ మలినేని కాంబినేషన్లో వచ్చిన ‘వీరసింహారెడ్డి’ బ్లాక్బస్టర్ హిట్గా నిలిచింది. దీంతో వీరిద్దరి కాంబోలో వస్తున్న ‘NBK 111’ సినిమాపై అభిమానుల్లో భారీ అంచనాలు నెలకొన్నాయి. ఈ సినిమాని వృద్ధి సినిమాస్ బ్యానర్పై వెంకట సతీశ్ కిలారు నిర్మిస్తుండగా, తమన్ సంగీతం అందిస్తున్నారు.