Astro Tips: హిందూ ధర్మంలో శనివారాన్ని శనిదేవునికి అంకితం చేశారు. నవగ్రహాలలో శని భగవానుడిని కర్మ ఇంకా న్యాయ దేవతగా భావిస్తారు. మనుషులు చేసే సత్కర్మలు, దుష్కర్మలను బట్టి ఫలితాలను ఇచ్చే దేవుడు ఆయనే. అందుకే శనివారం నాడు భక్తులు శనిదేవుని పూజించి, తమ తప్పులను క్షమించమని వేడుకుంటారు. ఈ రోజున స్వామివారికి నువ్వుల నూనె, నల్ల నువ్వులు ఆలాగే ఇతర పూజా సామాగ్రిని సమర్పించడం ఆనవాయితీగా వస్తోంది.
అయితే, శనిదేవుడిని ఆరాధించే భక్తుల కోసం ఆధ్యాత్మిక గ్రంథాలలో కొన్ని ప్రత్యేక నియమాలు పేర్కొనబడ్డాయి. ముఖ్యంగా పద్మ పురాణంలోని ఉత్తరఖండ్లో గల అధ్యాయం 33 – 34 లలో శనిదేవుని పూజా నియమాల గురించి వివరంగా వివరించారు. ఈ నియమాల ప్రకారం.. శనివారం నాడు కొందరు వ్యక్తులు తమ తలకు (జుట్టుకు) నూనె రాసుకోకూడదని స్పష్టంగా పేర్కొన్నారు. పురాణాల ప్రకారం ఏ ఏ వ్యక్తులు శనివారం నాడు తలకు నూనె పెట్టుకోకూడదో ఇప్పుడు వివరంగా తెలుసుకుందాం.
1. శని ఏల్నాటి శని (సాధేసతి) నడుస్తున్న వారు
ఎవరి జాతకంలో లేదా కుండలిలోనైనా శని ఏల్నాటి శని (సాధేసతి) ప్రభావం నడుస్తూ ఉంటే, వారు శనివారం నాడు తలకు నూనె రాయడం అస్సలు మంచిది కాదు. జ్యోతిష్య శాస్త్రం ప్రకారం.. ఏల్నాటి శని కాలంలో సదరు వ్యక్తి ఇప్పటికే శనిదేవుని తీవ్ర ప్రభావంలో ఉంటాడు. అలాంటి సమయంలో శనివారం నాడు తలపై నూనె అప్లై చేయడం వల్ల మానసిక ఒత్తిడి, చేస్తున్న పనుల్లో ఆటంకాలు, ఆర్థిక సమస్యలు మరింత పెరిగే అవకాశం ఉందని శాస్త్రం చెబుతోంది.
2. సప్తమి తిథిలో జన్మించిన వారు
ఏ జాతకుడైనా ‘సప్తమి’ తిథి నాడు జన్మించి ఉండి, అతనిపై శని మహాదశ, ఏల్నాటి శని లేదా శని ధైయా (అర్థాష్టమ/అష్టమ శని) ప్రభావం ఉంటే.. వారు కూడా శనివారం నాడు తలకు నూనె పెట్టుకోకూడదు.
శాస్త్ర కారణం: సప్తమి తిథికి అధిపతి సూర్యభగవానుడు. జ్యోతిష్య శాస్త్రం ప్రకారం సూర్యుడు, శనిదేవునికి పరస్పర వైరం ఉంది (తండ్రీ కొడుకులైనా వారి మధ్య పడదు). అందువల్ల సప్తమి తిథిలో జన్మించిన వారు శనికి విరుద్ధమైన పనులను చేయడానికి దూరంగా ఉండాలి.
3. శని దానం చేసే అలవాటు ఉన్నవారు
శని దోష నివారణ కోసం శనివారం నాడు శనిదేవునికి నూనె, నల్ల నువ్వులు, మినుములు, ఇనుప వస్తువులు వంటివి దానం చేసే అలవాటు ఉన్నవారు కూడా ఆ రోజు తమ తలకు నూనె రాసుకోకూడదు. హైందవ సంప్రదాయంలో ఒక నమ్మకం ఉంది.. శనివారం నాడు మనం ఏ వస్తువునైతే దానంగా ఇస్తామో, ఆ వస్తువును అదే రోజున మనం సొంతానికి (స్వయం వినియోగానికి) ఉపయోగించకూడదు.
కాబట్టి, పైన పేర్కొన్న మూడు అంశాలలో మీకు ఏ ఒక్కదానితో సంబంధం ఉన్నా సరే.. శనివారం నాడు తలకు నూనె పెట్టుకునే అలవాటును మానుకోవడం శ్రేయస్కరం. ఈ చిన్న చిన్న నియమాలను పాటించడం వల్ల శనిదేవుని అనుగ్రహం కలిగి కష్టాల నుండి విముక్తి లభిస్తుంది.