Jaggery Vs Sugar: ఈ రోజుల్లో హెల్త్ కాన్షియస్ ఉన్న ప్రతి ఒక్కరి ఇంట్లో వినిపించే కామన్ డిస్కషన్.. “పంచదార వాడాలా? బెల్లం వాడాలా?”. టీ, కాఫీ నుంచి మొదలుకొని స్వీట్ల వరకు పంచదార స్థానంలో బెల్లం వాడటం ఇప్పుడు ఒక ట్రెండ్గా మారింది. బెల్లం తింటే ఆరోగ్యం, పంచదార తింటే అనారోగ్యం అని చాలా మంది ఫిక్స్ అయిపోతుంటారు. మరి ఇందులో ఎంతవరకు నిజం ఉంది? ఆరోగ్యంతో పాటు మన జుట్టు, చర్మ సౌందర్యానికి ఏది ఎక్కువ మేలు చేస్తుందో అందరికీ అర్థమయ్యేలా సింపుల్గా తెలుసుకుందాం.
అసలు తేడా ఎక్కడ ఉంది?
* బెల్లం, పంచదార.. ఈ రెండూ చెరకు రసం నుంచే తయారవుతాయి. కానీ, ఇవి మన ప్లేట్లోకి వచ్చే ప్రాసెస్లోనే పెద్ద వ్యత్యాసం ఉంటుంది.
* బెల్లం: చెరకు రసాన్ని బాగా మరిగించి, ఎలాంటి కెమికల్స్ కలపకుండా సహజ పద్ధతిలో గట్టిగా చేస్తే బెల్లం తయారవుతుంది. అందుకే ఇందులో ఉండే సహజసిద్ధమైన మినరల్స్ అలాగే ఉంటాయి.
* పంచదార: చెరకు రసాన్ని రకరకాలుగా ఫిల్టర్ చేసి, సల్ఫర్ వంటి రసాయనాలను కలిపి తెల్లటి క్రిస్టల్స్గా మారిస్తే పంచదార వస్తుంది. ఈ ప్రాసెస్లో పంచదారలో ఉండే పోషకాలన్నీ పోయి, కేవలం ‘ఎంటీ క్యాలరీలు’ మాత్రమే మిగులుతాయి.
జుట్టు, చర్మానికి ఏది బెస్ట్?
చాలా మంది బెల్లం వల్ల కలిగే ఆరోగ్య ప్రయోజనాల గురించే మాట్లాడుకుంటారు. కానీ, ఇది మన అందాన్ని పెంచడంలో కూడా సూపర్ గా పనిచేస్తుంది.
1. మెరిసే చర్మం కోసం (Skin Glow):
* బెల్లం: బెల్లంలో యాంటీ ఆక్సిడెంట్లు, జింక్, సెలీనియం వంటి పోషకాలు ఎక్కువగా ఉంటాయి. ఇవి శరీరంలోని టాక్సిన్స్ బయటకు పంపుతాయి. రక్తం శుద్ధి అవ్వడం వల్ల మొటిమలు తగ్గి, చర్మం సహజంగా మెరుస్తుంది. చర్మంపై ముడతలు త్వరగా రాకుండా చేస్తుంది.
* పంచదార: పంచదార ఎక్కువగా తింటే చర్మంలో ‘గ్లైకేషన్’ అనే ప్రాసెస్ జరిగి కొల్లాజెన్ దెబ్బతింటుంది. దీనివల్ల చర్మం సాగిపోయి, వయసు పైబడినట్లు కనిపిస్తారు.
2. జుట్టు ఆరోగ్యం కోసం (Hair Care):
* బెల్లం: జుట్టు రాలడానికి ప్రధాన కారణం రక్తహీనత. బెల్లంలో ఐరన్ పుష్కలంగా ఉంటుంది. ఇది శరీరంలో హిమోగ్లోబిన్ పెంచి, తలలో రక్తప్రసరణను మెరుగుపరుస్తుంది. దీనివల్ల జుట్టు కుదుళ్లు బలంగా మారి, హెయిర్ ఫాల్ తగ్గుతుంది.
* పంచదార: పంచదార బాడీలో ఇన్ఫ్లమేషన్ పెంచుతుంది. ఇది జుట్టు కుదుళ్లను బలహీనపరిచి, జుట్టు రాలడాన్ని ఎక్కువ చేస్తుంది.
ఆరోగ్యానికి కలిగే ఇతర ప్రయోజనాలు:
ఖచ్చితంగా పంచదారతో పోలిస్తే.. బెల్లం చాలా బెస్ట్ ఆప్షన్.
* జీర్ణక్రియ మెరుగుపడుతుంది: భోజనం చేసిన తర్వాత చిన్న బెల్లం ముక్క తినడం వల్ల తిన్న ఆహారం త్వరగా జీర్ణమవుతుంది. మలబద్ధకం సమస్య ఉండదు.
* లివర్ క్లీన్ అవుతుంది: బెల్లం మన శరీరంలోని వ్యర్థాలను బయటకు పంపి, లివర్ను శుభ్రపరచడంలో సహాయపడుతుంది.
* రక్తహీనతకు చెక్: ఇందులో ఉండే ఐరన్ కంటెంట్ ఎనీమియా రాకుండా కాపాడుతుంది.
ఇక్కడే చాలా మంది పప్పులో కాలేస్తుంటారు. బెల్లం హెల్తీ కదా అని గుప్పెళ్లు గుప్పెళ్లు తినేస్తుంటారు. కానీ గుర్తుంచుకోవాల్సిన విషయం ఏంటంటే.. 100 గ్రాముల పంచదారలో 387 క్యాలరీలు ఉంటే, 100 గ్రాముల బెల్లంలో 383 క్యాలరీలు ఉంటాయి. క్యాలరీల పరంగా రెండింటిలోనూ పెద్ద తేడా లేదు. కాబట్టి బరువు తగ్గాలనుకునే వారు లేదా డయాబెటిస్ ఉన్నవారు బెల్లం తిన్నా సరే బ్లడ్ షుగర్ లెవెల్స్ పెరుగుతాయి.
బెల్లాన్ని వాడేటప్పుడు ఈ జాగ్రత్తలు తప్పవు!
* టీ/కాఫీలో వాడేటప్పుడు: పాలు బాగా మరిగాక స్టవ్ ఆఫ్ చేసి, కాసేపు ఆగిన తర్వాతే బెల్లం పౌడర్ కలపాలి. మరుగుతున్న పాలల్లో బెల్లం వేస్తే పాలు విరిగిపోయే అవకాశం ఉంది.
* లిమిట్ ముఖ్యం: బెల్లం మంచిదే కదా అని ఎక్కువగా తినకూడదు. రోజుకు 1 నుంచి 2 చిన్న ముక్కలు మాత్రమే తీసుకోవడం మంచిది.
* ఆర్గానిక్ బెల్లం ఎంచుకోండి: మార్కెట్లో దొరికే తెల్లటి లేదా పచ్చటి బెల్లంలో కెమికల్స్ ఎక్కువగా ఉంటాయి. కాబట్టి కాస్త నలుపు లేదా ముదురు గోధుమ రంగులో ఉండే కెమికల్ ఫ్రీ ‘ఆర్గానిక్ బెల్లాన్ని’ ఎంచుకోండి.
పంచదార అనేది ‘స్లో పాయిజన్’ లాంటిది. దానికి వీలైనంత దూరంగా ఉండటమే మన హెల్త్కు, అందానికి మంచిది. పంచదారకు బదులు బెల్లాన్ని ప్రత్యామ్నాయంగా వాడుకోవడం బెస్ట్. కానీ అమృతం అయినా మోతాదు మించితే ప్రమాదమే కాబట్టి లిమిట్గా వాడటం మర్చిపోకండి!