Peddi: గ్లోబల్ స్టార్ రామ్ చరణ్ అభిమానులకు అదిరిపోయే వీకెండ్ గిఫ్ట్ వచ్చేసింది. దర్శకుడు బుచ్చిబాబు సన ఎంతో ప్రతిష్టాత్మకంగా తెరకెక్కిస్తున్న స్పోర్ట్స్ డ్రామా సినిమా ‘పెద్ది’. ఈ సినిమా నుండి అందరూ ఎప్పుడెప్పుడా అని ఎదురుచూస్తున్న మాస్ సాంగ్ ‘హెల్లాళ్ళల్లో’ పూర్తి వీడియో పాటను తాజాగా విడుదల చేశారు. భోపాల్లో జరిగిన ఒక పెద్ద మ్యూజికల్ ఈవెంట్లో ఈ పాటను లాంచ్ చేయగా, ప్రస్తుతం ఇది యూట్యూబ్తో పాటు సోషల్ మీడియాలో విపరీతమైన వ్యూస్తో దూసుకుపోతోంది.
ఆస్కార్ అవార్డు విజేత, ప్రముఖ సంగీత దర్శకుడు ఏఆర్ రెహమాన్ ఈ పాటకు అదిరిపోయే మాస్, ఫోక్ బీట్స్ అందించారు. ఊరి జాతరను తలపించేలా ఉన్న ఈ స్పెషల్ సాంగ్లో రామ్ చరణ్తో కలిసి అందాల నటి శృతి హాసన్ అదిరిపోయే స్టెప్పులతో రచ్చ చేసింది. అనంత శ్రీరామ్ అందించిన పవర్ఫుల్ లిరిక్స్, రక్షిత సురేష్ పాడిన హై-ఎనర్జీ వాయిస్ ఈ పాటకు పెద్ద అసెట్గా నిలిచాయి.
గతంలో వచ్చిన ‘ఎవడు’ సినిమా తర్వాత చాలా కాలానికి రామ్ చరణ్, శృతి హాసన్ కాంబినేషన్ను ఒకే ఫ్రేమ్లో చూడటం అభిమానులకు ఫుల్ జోష్ ఇస్తోంది. ఈ పాటలో శృతి హాసన్ తన గ్లామర్, డ్యాన్స్తో రామ్ చరణ్కు గట్టి పోటీ ఇచ్చింది. కేవలం ఒక నార్మల్ ఐటెం సాంగ్లా కాకుండా, పల్లెటూరి పండుగ వాతావరణం, రంగురంగుల విజువల్స్ మరియు ఈజీగా ఫాలో అయ్యే హుక్ స్టెప్స్తో థియేటర్లలో ప్రేక్షకులతో ఈలలు వేయించేలా ఈ పాటను రూపొందించారు.
ఈ పాటలో సినిమా ముఖ్య కథానాయిక జాన్వీ కపూర్ కూడా కాసేపు మెరవడం విశేషం. ‘పెద్ది’ సినిమా నుండి ఇప్పటికే విడుదలైన ‘చికిరి చికిరి’, ‘రాయ్ రాయ్ రా రా’ అనే పాటలు క్లాస్, మెలోడీ ప్రియులను ఆకట్టుకోగా.. ఇప్పుడు వచ్చిన ఈ మూడవ పాట మాత్రం పక్కా మాస్ ఆడియన్స్కు పూనకాలు తెప్పిస్తూ చార్ట్బస్టర్గా నిలిచింది.