Gold Price Today: బంగారం కొనాలనుకునే వారికి ఇది నిజంగానే తీపి కబురు. గత కొన్ని రోజులుగా ఆకాశమే హద్దుగా దూసుకుపోయిన పసిడి ధరలకు ప్రస్తుతం బ్రేక్ పడింది. అంతర్జాతీయంగా నెలకొన్న పరిస్థితుల ప్రభావంతో దేశీయ మార్కెట్లో బంగారం, వెండి ధరలు వరుసగా రెండో రోజు కూడా తగ్గుముఖం పట్టాయి. నిన్నటితో పోల్చుకుంటే ఈరోజు ధరల్లో స్పల్ప మార్పులు కనిపించడం కొనుగోలుదారులకు కాస్త ఊరటనిస్తోంది.
పశ్చిమాసియాలో ఉద్రిక్తతల వల్ల ఇటీవలే బంగారం ధరలు ఆల్టైమ్ రికార్డు స్థాయికి చేరుకున్న సంగతి తెలిసిందే. అయితే, ప్రస్తుతం అంతర్జాతీయ మార్కెట్లో చోటుచేసుకున్న పరిణామాల వల్ల ధరలు దిగివస్తున్నాయి. ఈరోజు ఉదయం సమయానికి జాతీయ మార్కెట్లో 24 క్యారెట్ల స్వచ్ఛమైన బంగారంపై సుమారు రూ. 600 వరకు తగ్గింది. అటు వెండి కూడా పసిడి బాటలోనే నడుస్తూ కేజీపై రూ. 100 మేర తగ్గింది.
తెలుగు రాష్ట్రాల్లో నేటి ధరలు:
మన హైదరాబాద్ మరియు విజయవాడ నగరాల్లో నేటి ధరలను పరిశీలిస్తే.. 24 క్యారెట్ల 10 గ్రాముల బంగారం ధర రూ. 1,52,950 వద్ద కొనసాగుతోంది. అలాగే, ఆభరణాల తయారీలో వాడే 22 క్యారెట్ల 10 గ్రాముల బంగారం ధర రూ. 1,40,200 వద్ద స్థిరపడింది. నిన్నటితో పోల్చితే 22 క్యారెట్ల బంగారంపై రూ. 550 మేర తగ్గడం విశేషం.
వెండి ధరల వివరాలు:
బంగారంతో పాటే వెండి కూడా స్వల్పంగా తగ్గింది. ప్రస్తుతం దేశీయ మార్కెట్లో కిలో వెండి ధర సుమారు రూ. 2,59,900 వద్ద ఉండగా, హైదరాబాద్ మరియు చెన్నై వంటి నగరాల్లో కిలో వెండి ధర రూ. 2,65,000 వద్ద ట్రేడవుతోంది. పెళ్లిళ్ల సీజన్ దగ్గరపడుతున్న తరుణంలో ఈ స్వల్ప ధరల తగ్గుదల సామాన్య మధ్యతరగతి ప్రజలకు కాస్త ఊరటనిచ్చే అంశమే అని చెప్పాలి.