Hansika: తెలుగు, తమిళ ప్రేక్షకులకు తెలిసిన బాగా పరిచేయం ఉన్న హీరోయిన్ హన్సిక తన వ్యక్తిగత జీవితంపై వస్తున్న రూమర్లకు చెక్ పెడుతూ, తన విడాకుల వ్యవహారంపై సంచలన వ్యాఖ్యలు చేశారు. తన స్నేహితురాలి మాజీ భర్త సొహైల్ ఖతూరియాను ప్రేమ వివాహం చేసుకున్న హన్సిక, పెళ్లయిన అతి తక్కువ కాలానికే విభేదాల కారణంగా విడిపోయిన సంగతి తెలిసిందే. గత మార్చి నెలలో ముంబై బాంద్రా ఫ్యామిలీ కోర్టు వీరికి అధికారికంగా విడాకులు మంజూరు చేసింది.
రాంగ్ ట్రైన్ ప్రయాణం..
విడాకుల తర్వాత చాలా కాలం మౌనంగా ఉన్న హన్సిక, తాజాగా తన మనసులోని మాటను బయటపెట్టారు. “మనం తప్పు ట్రైన్ ఎక్కామని తెలిసినప్పుడు, వెంటనే దిగిపోవడమే మంచిది. పెళ్లి అనేది ఇద్దరు వ్యక్తుల ఎదుగుదలకు తోడ్పడాలి, కానీ నా విషయంలో అన్నీ తలకిందులయ్యాయి” అని ఆమె ఎమోషనల్ అయ్యారు. కేవలం రెండేళ్ల కాలంలోనే తన మానసిక ఆరోగ్యం తీవ్రంగా దెబ్బతిందని, ఎప్పుడూ నవ్వుతూ ఉండే తాను మౌనంగా ఉండటం చూసి తన కుటుంబ సభ్యులు ఆందోళన చెందారని తెలిపారు.
థెరపీ మరియు కుటుంబ మద్దతు
గడిచిన రెండేళ్లు తనకు జీవితంలో ఎన్నో పాఠాలు నేర్పాయని హన్సిక పేర్కొన్నారు. నా పరిస్థితి చూసి నా స్నేహితురాలు ఒక డాక్టరును సంప్రదించి థెరపీ చేయించింది. ఆ కష్ట సమయంలో నా తల్లి, సోదరుడు నాకు కొండంత అండగా నిలిచారు అని చెప్పారు. విడాకుల తర్వాత మనశ్శాంతి కోసం జపాన్ వెళ్లొచ్చానని, ఆధ్యాత్మిక యాత్రలు తనకు ఎంతో ప్రశాంతతను ఇచ్చాయని వెల్లడించారు.
మీడియా గాసిప్స్పై ఘాటు స్పందన
సోషల్ మీడియా ఇంకా మీడియాలో వస్తున్న క్లిక్ బైట్స్ వార్తలపై హన్సిక ఘాటుగా స్పందించారు:
-
హెడ్లైన్స్ కోసం ఆరాటం: జనాలకు కావాల్సింది కేవలం హెడ్లైన్స్, క్లిక్ బైట్స్ మాత్రమే. అందుకే నా వ్యక్తిగత జీవితంపై ఎన్నో గాసిప్స్ వచ్చాయి.
-
క్లారిటీ ఇచ్చేది లేదు: నేను మొదటి నుంచి దేనిపై స్పష్టత ఇవ్వలేదు, ఇకముందు కూడా ఇవ్వను. నా పర్సనల్ లైఫ్ విషయాలు మా మధ్యే ఉండాలి.
-
భరణం తీసుకోలేదు: ఎటువంటి భరణం (Alimony) కోరకుండానే హన్సిక ఈ వివాహ బంధానికి స్వస్తి పలకడం ఇప్పుడు ఫిల్మ్ నగర్లో చర్చనీయాంశంగా మారింది.
ప్రస్తుత స్థితి: ప్రశాంతం!
ప్రస్తుతం తాను చాలా సంతోషంగా ఉన్నానని, ఎవరికీ జవాబుదారీగా ఉండాల్సిన అవసరం లేదని హన్సిక కరాకండిగా చెప్పారు. నా వ్యక్తిగత జీవితంపై ఇతరుల అభిప్రాయాల కంటే నా ఆరోగ్యం, శ్రేయస్సు మరియు సంతోషమే నాకు ముఖ్యం అని స్పష్టం చేశారు.