Razor Glimpse: విలక్షణ నటుడు, దర్శకుడు రవిబాబు మరోసారి బాక్సాఫీస్ వద్ద తన మార్క్ చూపించేందుకు సిద్ధమయ్యారు. సరికొత్త కాన్సెప్టులతో ప్రేక్షకులను ఆశ్చర్యపరచడంలో సిద్ధహస్తుడైన ఆయన, తాజాగా ‘రేజర్’ (Razor) అనే పవర్ఫుల్ టైటిల్తో ఒక వైల్డ్ క్రైమ్ థ్రిల్లర్ను ప్రకటించారు. నేడు విడుదలైన ఈ సినిమా టైటిల్ గ్లింప్స్ ఇప్పుడు సోషల్ మీడియాలో ప్రకంపనలు సృష్టిస్తోంది.
ఈ గ్లింప్స్ చూస్తుంటే రవిబాబు ఈసారి రూట్ మార్చి అత్యంత భయంకరమైన, హింసాత్మకమైన కథను ఎంచుకున్నట్లు స్పష్టమవుతోంది. సుమారు 45 సెకన్ల పాటు సాగే ఈ వీడియోలో ఒక్క డైలాగ్ కూడా లేకపోయినప్పటికీ, ఆ విజువల్స్ చూపించిన తీరు ఒళ్లు జలదరింపజేస్తోంది. మనుషుల శరీర భాగాలను ముక్కలు ముక్కలుగా కోయడం, అత్యంత క్రూరంగా హత్యలు చేయడం వంటి సన్నివేశాలు చూస్తుంటే ఇది పక్కాగా 18 ప్లస్ ఆడియన్స్ కోసం రూపొందించిన సినిమా అని అర్థమవుతోంది. అందుకే చిత్ర యూనిట్ ఈ గ్లింప్స్ను చిన్న పిల్లలు చూడకూడదని హెచ్చరిక కూడా జారీ చేసింది.
Also Read: Mysaa Glimpse: ‘మైసా’ గ్లింప్స్తో సంచలనం: లేడీ వారియర్గా రష్మిక మందన్న..
గతంలో ‘అనసూయ’, ‘అవును’, ‘అమరావతి’ వంటి సినిమాలతో థ్రిల్లర్ జోనర్లో తనదైన ముద్ర వేసిన రవిబాబు, ఈ సినిమాలో తానే ప్రధాన పాత్రలో నటిస్తున్నట్లు సమాచారం. సురేష్ ప్రొడక్షన్స్ సమర్పణలో, ఫ్లయింగ్ ఫ్రాగ్స్ బ్యానర్పై రూపొందుతున్న ఈ చిత్రం 2026 వేసవిలో థియేటర్లలోకి రానుంది. న్యాయం జరగనప్పుడు అది ఎంత కఠినంగా ఉంటుందో ఈ సినిమా ద్వారా చూపించబోతున్నట్లు మేకర్స్ తెలిపారు. రవిబాబు మార్క్ క్రైమ్ ఎలిమెంట్స్, వైల్డ్ యాక్షన్ ఇష్టపడే ప్రేక్షకులకు ‘రేజర్’ ఒక సరికొత్త అనుభూతిని ఇస్తుందని సినీ వర్గాలు భావిస్తున్నాయి.