2026 Long Weekends: కొత్త ఏడాదిలోకి అడుగుపెట్టడానికి ఇంకా సమయం ఉన్నప్పటికీ, స్మార్ట్ ట్రావెలర్స్ అప్పుడే తమ క్యాలెండర్లను సిద్ధం చేసుకుంటున్నారు. ఎందుకంటే 2026 క్యాలెండర్ పర్యాటక ప్రియులకు ఒక అద్భుతమైన గిఫ్ట్ ఇవ్వబోతోంది. ఈ ఏడాది పండుగలు, ప్రభుత్వ సెలవులు వారాంతాలకు (Weekends) అటు ఇటుగా రావడంతో, కేవలం ఒకట్రెండు రోజులు తెలివిగా సెలవు పెడితే చాలు.. మీ బకెట్ లిస్ట్లో ఉన్న పర్యాటక ప్రాంతాలను చుట్టేయవచ్చు. మరి 2026లో ఆ లాంగ్ వీకెండ్స్ ఎప్పుడెప్పుడు ఉన్నాయో నెలవారీగా చూసేద్దామా!
జనవరి: కొత్త ఏడాదికి గ్రాండ్ వెల్కమ్
జనవరి నెలలో పర్యటనలకు రెండు గొప్ప అవకాశాలు ఉన్నాయి.
-
జనవరి 1 – 4: జనవరి 1 (గురువారం) న్యూ ఇయర్. 2వ తేదీ (శుక్రవారం) సెలవు తీసుకుంటే, శని, ఆదివారాలతో కలిపి 4 రోజుల మినీ వెకేషన్ ఎంజాయ్ చేయవచ్చు.
-
జనవరి 23 – 26: జనవరి 23 (శుక్రవారం) వసంత పంచమి, 26 (సోమవారం) రిపబ్లిక్ డే. మధ్యలో వీకెండ్ ఉండటంతో ఎలాంటి అదనపు లీవ్ అవసరం లేకుండానే 4 రోజుల విరామం దొరుకుతుంది.
మార్చి: హోలీ & రంజాన్ పండుగల సందడి
ఫిబ్రవరిలో పెద్దగా కలిసి రాకపోయినా, మార్చిలో మాత్రం సెలవుల పంట పండనుంది.
-
మార్చి 20 – 22: మార్చి 20 (శుక్రవారం) రంజాన్ సందర్భంగా 3 రోజుల వీకెండ్ లభిస్తుంది.
-
మార్చి 26 – 31: ఇది ఈ ఏడాదిలోనే అతిపెద్ద విరామం! మార్చి 26 (గురువారం) శ్రీరామనవమి, 31 (మంగళవారం) మహావీర్ జయంతి. మధ్యలో ఉన్న 27, 30 తేదీల్లో లీవ్ పెడితే ఏకంగా 6 రోజుల సుదీర్ఘ పర్యటన ప్లాన్ చేయవచ్చు.
ఇది కూడా చదవండి: Priyanka Gandhi son Engagement: గాంధీ కుటుంబంలో పెళ్లి సందడి.. ఏడేళ్ల ప్రేమను పెళ్లి పీటల దాకా తీసుకెళ్తున్న రేహాన్ వాద్రా
ఏప్రిల్ & మే: వేసవి తాపం నుంచి ఉపశమనం
ఎండల నుంచి తప్పించుకోవడానికి హిల్ స్టేషన్లకు వెళ్లాలనుకునే వారికి ఈ వీకెండ్స్ బెస్ట్.
-
ఏప్రిల్ 3 – 5: ఏప్రిల్ 3 గుడ్ ఫ్రైడే కావడంతో 3 రోజుల విరామం వస్తుంది.
-
మే 1 – 3: మే 1 (శుక్రవారం) బుద్ధ పూర్ణిమ కావడంతో వరుసగా 3 రోజులు సెలవు దొరుకుతుంది.
ఆగస్టు: 6 రోజుల మెగా వెకేషన్!
మీరు ఏదైనా ఫారిన్ ట్రిప్ లేదా సుదూర ప్రాంతాలకు వెళ్లాలనుకుంటే ఆగస్టు నెలను ఎంచుకోండి.
-
ఆగస్టు 25 – 30: ఆగస్టు 25 (మంగళవారం) మిలాద్-ఉన్-నబి, 26 (బుధవారం) ఓనం, 28 (శుక్రవారం) రక్షాబంధన్. కేవలం 27వ తేదీ (గురువారం) ఒక్క రోజు సెలవు పెడితే, వరుసగా 6 రోజులు హ్యాపీగా గడపవచ్చు.
ఇది కూడా చదవండి: Teja Sajja: జై హనుమాన్ నుంచి తప్పుకున్న తేజ సజ్జ?
సెప్టెంబర్ & అక్టోబర్: పండుగల వేడుక
-
సెప్టెంబర్ 12 – 14: సెప్టెంబర్ 14 (సోమవారం) వినాయక చవితి కావడంతో 3 రోజుల వీకెండ్ వస్తుంది.
-
అక్టోబర్ 17 – 20: అక్టోబర్ 20 (మంగళవారం) దసరా. అక్టోబర్ 19న (సోమవారం) సెలవు తీసుకుంటే 4 రోజులు పండుగ సంబరాల్లో మునిగిపోవచ్చు.
నవంబర్ & డిసెంబర్: ఏడాదికి హ్యాపీ ఎండింగ్
-
నవంబర్ 8 – 11: నవంబర్ 8 దీపావళి. 10వ తేదీ లీవ్ తీసుకుంటే గోవర్ధన్ పూజ, భాయ్ దూజ్లతో కలిపి వరుసగా 4 రోజులు సెలవులు వస్తాయి.
-
డిసెంబర్ 25 – 27: డిసెంబర్ 25 (శుక్రవారం) క్రిస్మస్ కావడంతో ఏడాది చివరలో మరో 3 రోజుల బ్రేక్ లభిస్తుంది.
ప్రో టిప్: లాంగ్ వీకెండ్స్ ఉన్నప్పుడు పర్యాటక ప్రాంతాల్లో రద్దీ ఎక్కువగా ఉంటుంది. కాబట్టి ఫ్లైట్ టిక్కెట్లు, హోటల్ బుకింగ్స్ ఇప్పుడే చేసుకుంటే తక్కువ ధరకే లభించే అవకాశం ఉంది.