WPL Full Schedule Released: మహిళల క్రికెట్ అభిమానులు ఎంతో ఆసక్తిగా ఎదురుచూస్తున్న మహిళల ప్రీమియర్ లీగ్ (WPL) 2026 సీజన్కు సంబంధించిన పూర్తి షెడ్యూల్ను బీసీసీఐ తాజాగా ప్రకటించింది. ఈ లీగ్ మొత్తం 28 రోజుల పాటు, 22 మ్యాచ్లతో రసవత్తరంగా జరగనుంది. టోర్నీ జనవరి 9, 2026న ప్రారంభమై, ఫిబ్రవరి 5, 2026న ఫైనల్తో ముగుస్తుంది. ఈసారి మ్యాచ్లను ముంబై, బెంగళూరులోని రెండు కీలకమైన వేదికల్లో నిర్వహించాలని నిర్ణయించారు.
లీగ్లో అత్యంత ఆకర్షణీయమైన మ్యాచ్తో టోర్నీకి తెర లేవనుంది. జనవరి 9, 2026 శుక్రవారం రోజున ముంబైలోని బ్రబౌర్న్ స్టేడియంలో ముంబై ఇండియన్స్ (MI), రాయల్ ఛాలెంజర్స్ బెంగళూరు (RCB) జట్లు తొలి మ్యాచ్లో తలపడనున్నాయి. సాధారణ మ్యాచ్లు అన్నీ రాత్రి 7:30 PM (IST) కి ప్రారంభమవుతాయి. అయితే, డబుల్ హెడర్ (ఒక రోజులో రెండు మ్యాచ్లు) ఉన్నప్పుడు, మధ్యాహ్నం మ్యాచ్ 3:30 PMకు ప్రారంభమవుతుంది. జనవరి 14న తొలి డబుల్ హెడర్ మ్యాచ్ను నిర్వహించనున్నారు.
ఇది కూడా చదవండి: Cyclone warning: రెండు తెలుగు రాష్ట్రాలకు దిత్వా తుఫాన్ హెచ్చరికలు
టోర్నీలోని లీగ్ మ్యాచ్లను రెండు ప్రధాన వేదికల మధ్య విభజించారు. బెంగళూరులోని చిన్నస్వామి స్టేడియం, ముంబైలోని బ్రబౌర్న్ స్టేడియం, DY పాటిల్ స్టేడియంలలో మ్యాచ్లు జరుగుతాయి. లీగ్ దశ ముగిసిన తర్వాత, ఫైనల్కు ముందు ఎలిమినేటర్ మ్యాచ్ ఫిబ్రవరి 2న ముంబై (బ్రబౌర్న్)లో జరుగుతుంది. WPL 2026 యొక్క ఫైనల్ మ్యాచ్ను ఫిబ్రవరి 5న ముంబైలోని DY పాటిల్ స్టేడియంలో నిర్వహించాలని నిర్ణయించారు. అభిమానులను అలరించేందుకు బోర్డు అన్ని ఏర్పాట్లు పూర్తి చేస్తోంది.