Wood Chopping Boards: ప్రతి ఒక్కరి వంటగదిలో కూరగాయలు, పండ్లను కోయడానికి కటింగ్ బోర్డులు ఉంటాయి. అయితే, ప్లాస్టిక్ బోర్డులను ఉపయోగించడం ఆరోగ్యానికి ప్రమాదకరం అనే ఆందోళనల కారణంగా, ఎక్కువ మంది చెక్క బోర్డులను ఉపయోగిస్తున్నారు. కానీ ఈ బోర్డు వాడటం వల్ల కూడా ఆరోగ్య సమస్యలు వస్తాయని నిపుణులు చెబుతున్నారు. చెక్క బోర్డులో కట్ చేసిన ఆహారం నుండి తేమను సులభంగా గ్రహించే రంధ్రాలు ఉంటాయి.
టమోటా రసం, పచ్చి చికెన్ ముక్కలు లేదా అల్లం, వెల్లుల్లి రసాన్ని చెక్క బోర్డు సులభంగా గ్రహిస్తుందని తెలిపారు. ఈ తేమ వల్ల బ్యాక్టీరియా, శిలీంధ్రాలు పెరిగే అవకాశాలుంటాయని నిపుణులు చెబుతున్నారు. రోజు గడిచేకొద్దీ చెక్క బోర్డుకు గీతలు పడతాయి. చిన్న పగుళ్లను శుభ్రం చేయడం కొంచెం కష్టం. సరిగ్గా శుభ్రం చేయకపోతే, సాల్మొనెల్లా, లిస్టెరియా వంటి హానికరమైన వ్యాధికారకాలు ఈ చెక్క బోర్డులోని పగుళ్లలో పెరగడం ప్రారంభించవచ్చు. ఈ బ్యాక్టీరియా ఆహారాన్ని కలుషితం చేయడమే కాకుండా ఆరోగ్యానికి కూడా హాని కలిగిస్తుంది.
చెక్క బోర్డు వల్ల కలిగే ఆరోగ్య సమస్యలు
ఫ్లూ: సరిగ్గా శుభ్రం చేయని చెక్క కటింగ్ బోర్డుల్లో ఇ.కోలి, సాల్మొనెల్లా వంటి వ్యాధికారక సూక్ష్మజీవులు పెరగుతాయి. ఈ వ్యాధికారకాలు ఆహారం ద్వారా అనారోగ్యాలకు కారణమవుతాయి. జ్వరం, విరేచనాలు, వాంతులు,వికారం వంటి కడుపు, ప్రేగులకు సంబంధించిన ఆరోగ్య సమస్యలు వచ్చే అవకాశం ఎక్కువగా ఉంటుంది. చిన్నపిల్లలు , వృద్ధులు ఈ ఇన్ఫెక్షన్లకు ఎక్కువగా గురవుతారు.
Also Read: Pawan Kalyan: “OG” అన్న సుమ..షేక్ హ్యాండ్ ఇచ్చి వెళ్ళిపోయిన పవన్
పేగులకు నష్టం:
చెక్క బోర్డుల నుంచి చిన్న చెక్క కణాలు శరీరంలోకి ప్రవేశిస్తాయి. ఇది ప్రేగులకు ప్రమాదాన్ని కలిగిస్తుంది.
కాలుష్యం:
మనలో చాలా మందికి మాంసం, చేపలు, కూరగాయలు, పండ్లను ఒకే బోర్డు మీద కోసే అలవాటు ఉంటుంది. ఈ పద్ధతి హానికరమైన సూక్ష్మజీవులను ఒక ఆహారం నుండి మరొక ఆహారంలోకి వెళ్లేలా చేసి ఆరోగ్య సమస్యలను కలిగిస్తుంది.
వీటిని ఉపయోగించండి
వెదురు:
వెదురు కలప పర్యావరణ అనుకూలమైనది. ఇది చాలా కాలం పాటు ఉంటుంది. ఈ వెదురు తక్కువ రంధ్రాలను కలిగి ఉండి తేమను గ్రహించదు. దీంతో బ్యాక్టీరియా పెరగదు.
గాజు లేదా యాక్రిలిక్ బోర్డులు:
గాజు బోర్డులకు రంధ్రాలు ఉండవు. అదనంగా కూరగాయలను కోసిన తర్వాత ఈ బోర్డులను సులభంగా శుభ్రం చేయవచ్చు.
స్టీల్ ప్లాంక్‌లను :
ఇటీవలి కాలంలో స్టెయిన్‌లెస్ స్టీల్ ప్లాంక్‌లను ఎక్కువగా ఉపయోగిస్తున్నారు. ఇవి చాలా కాలం పాటు ఉంటాయి. దీనికి రంధ్రాలు ఉండవు కాబట్టి శుభ్రం చేయడం సులభం.