Perni Nani: వైఎస్సార్ కాంగ్రెస్ పార్టీ సీనియర్ నేత, మాజీ మంత్రి పేర్ని నాని గారు ముఖ్యమంత్రి చంద్రబాబు నాయుడు, టీడీపీ ప్రభుత్వంపై తీవ్ర విమర్శలు చేశారు. ప్రతిపక్ష నేత హోదా ఇవ్వకుండా జగన్‌ను భయపెట్టాలని చూస్తున్నారని, కానీ జగన్ ప్రజలకు తప్ప ఎవరికీ లొంగరని ఆయన స్పష్టం చేశారు.
ప్రతిపక్ష హోదా కోసం న్యాయ పోరాటం
“జగన్ అడిగే ప్రశ్నలకు సమాధానం చెప్పే సత్తా ఉంటే, ప్రతిపక్ష నేత హోదా ఇవ్వండి” అని పేర్ని నాని డిమాండ్ చేశారు. వైసీపీకి అసెంబ్లీలో తగినంత బలం ఉన్నా, ప్రతిపక్ష హోదా ఇవ్వకపోవడం అన్యాయమని ఆయన అన్నారు. దీనిపై న్యాయపోరాటం చేస్తామని, కోర్టులో ఈ సమస్యను తేలుస్తామని ఆయన తెలిపారు.
డిస్‌క్వాలిఫై చేస్తే చేయండి
వైసీపీ ఎమ్మెల్యేలను అనర్హులుగా ప్రకటిస్తామన్న టీడీపీ హెచ్చరికలపై కూడా పేర్ని నాని గారు స్పందించారు. “వైసీపీ ఎమ్మెల్యేలను డిస్‌క్వాలిఫై చేస్తే చేయండి, మాకు భయం లేదు. జగన్ ప్రజలకు తప్ప ఎవరికీ లొంగరు” అని ఆయన ధీమా వ్యక్తం చేశారు. ప్రజా సమస్యలపై జగన్ పోరాటం ఆగదని ఆయన అన్నారు.